Apple-ın rüblük gəliri 97,3 milyard dollara yüksəlib, iPhone satışları artıb

Apple-ın rüblük gəliri 97,3 milyard dollara yüksəlib, iPhone satışları artıb

Göstərici 2021-ci illə müqayisədə 9% artıb.

Apple-ın rüblük gəliri 97,3 milyard dollara yüksəlib, iPhone satışları artıb

Amerikanın “Apple” şirkətinin son rübdə (yanvar-mart) gəliri ötən ilin eyni dövrü ilə müqayisədə 9% artıb.

Marja xəbər verir ki, bu, şirkətin cümə axşamı öz saytında dərc edilmiş hesabatlardan məlum olur.

Martın 26-da başa çatan üç aylıq hesabat dövründə Apple-ın cəmi gəliri 97 milyard 278 milyon dollar olub. 2021-ci ilin eyni dövrü üçün bu rəqəm 89,6 milyard dollara yaxın təşkil etmişdi.

Şirkətin ötən rübdə xalis mənfəəti 25,01 milyard dollar olub (2021-ci ilin eyni rübündə 23,6 milyard dollar olmuşdu). Şirkətin səhm üzrə qazancı da bu müddət ərzində 1,40 dollardan 1,52 dollara yüksəlib.

Şirkətin gəlirləri ekspertlərin gözləntilərini (93,9 milyard dollar) üstələyib.

iPhone şirkətin qabaqcıl məhsulu olaraq qalır və bu smartfonların dünya üzrə satışı ötən rübdə Apple-a 50,5 milyard dollar gəlir gətirib. Xidmətlərin satışından əldə edilən gəlir 19,8 milyard dollar, kompüter və noutbukların satışından isə 10,4 milyard dollar təşkil edib.

iPhone və Mac satışları artıb, iPad satışları azalıb

Bu dövrdə Apple-ın smartfon və kompüter satışları artarkən, planşet satışları azalıb.

Yanvar-mart dövründə iPhone satışlarının məbləği əvvəlki ilin eyni dövrünə görə 6% artaraq 50,6 milyard dollara çatıb.

Eyni dövrdə iPad satışları 3% azalaraq 7,6 milyard dollar, Mac satışlarının məbləği isə 14 faiz artaraq 10,4 milyard dollar olub.

Açıqlamada Çindən qaynaqlanan tədarük çatışmazlığı səbəbindən bu rübdə satışların 4-8 milyard dollar aralığında düşə biləcəyi qeyd olunub.

1976-cı ildə qurulan Apple iPhone, iPad, iMac, MacBook, iPod və digər yüksək texnologiyalı məhsullar istehsal edir. Korporasiya dünyanın ən böyük şirkətlərindən biridir.