Brent neftin qiyməti aprelin 12-dən bəri ilk dəfə 100 dollardan aşağı düşüb

Dünyada yanacağa tələbatın azalması qorxusu fonunda əmtəə qiymətləri ucuzlaşıb. Buna ən çox Çindəki yeni karantin tədbirləri təsir edir.

Brent neftin qiyməti aprelin 12-dən bəri ilk dəfə 100 dollardan aşağı düşüb

Londonun ICE Futures birjasında Brent markalı neftin iyun fyuçerslərinin qiyməti 6% düşərək bir barel üçün 99,93 dollaradək geriləyib.

Marja xəbər verir ki, Brent neftinin qiyməti aprelin 12-dən bəri ilk dəfə 100 dollardan aşağı düşüb.

Nyu-York əmtəə birjasında WTI markalı neftin iyun fyuçersləri 6,3% ucuzlaşaraq barreli 95,5 dollar olub.

Dünyanın ən böyük neft istehlakçılarından biri olan Çində epidemioloji vəziyyət fonunda neftə tələbatın azalacağı ilə bağlı qorxular xammalın qiymətlərinə təzyiq göstərir.

Kotirovkaların sonrakı dinamikasını ilk növbədə epidemioloji və sanksiya xəbərləri müəyyən edəcək. Analitiklər hesab edir ki, bu həftə Brent markalı neftin fyuçersləri müvəqqəti olaraq bir barel üçün 100 dollardan aşağı düşə bilər, lakin dünya hasilatında hələ də zəif artım fonunda kotirovkaların bu səviyyələrdə möhkəmlənməsini gözlənilmir.

Neftin qiymətləri üçün digər risk faktoru Rusiyaya qarşı yeni sanksiyalarla bağlı vəziyyətdir. Rusiyaya qarşı neft embarqosunun tətbiqi ilə bağlı Avropa İttifaqında hələ də konsensus yoxdur. Buna baxmayaraq risk davam edir.

Neft qiymətlərinə təzyiq həm də ABŞ-ın başçılıq etdiyi Beynəlxalq Enerji Agentliyinin (BEA) üzvü olan ölkələrin strateji ehtiyatlarından may ayında gözlənilən yanacağın geniş miqyasda satışı ilə əlaqədardır. Yaxın altı ayda BEA strateji ehtiyatlarından ümumilikdə 240 milyon barel neft satmağı planlaşdırır ki, bunun da 180 milyon barrelini ABŞ bazara çıxaracaq.

Dolları məzənnələrinin artması da neftə əlavə təzyiq göstərir. Güclü dollar digər valyuta sahibləri üçün malları bahalaşdırır və bu, xammala olan tələbatı azaldır.

25.04.2022 22:08

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az