2021-ci il üçün dünya ölkələrinin hərbi xərclərinin ümumi həcmi 2 trilyon 113 milyard dollar təşkil edib. 

Marja.az xəbər verir ki, Stokholm Beynəlxalq Sülh Araşdırmaları İnstitutunun (SIPRI) bazar ertəsi açıqladığı hesabata görə, 2 trilyon dollar həddi indiyədək heç vaxt ötülməyib.

Ən böyük hərbi büdcəyə malik ilk beş ölkə ABŞ, Çin, Hindistan, Böyük Britaniya və Rusiyadır. Onlar qlobal xərclərin 62%-ni təşkil edir.

2021-ci il hərbi xərclərin artdığı yeddinci il olub.

Müdafiə Xərcləri və Silah Proqramının baş əməkdaşı Dieqo López da Silva, "COVID-19 pandemiyasının iqtisadi təsiri fonunda belə, qlobal hərbi xərclər rekord səviyyələrə çatıb", - deyib.İqtisadiyyatın kəskin bərpası nəticəsində qlobal hərbi xərclərin ÜDM-də xüsusi çəkisi keçən il 0,1 faiz bəndi azalaraq 2020-ci ildəki 2,3%-dən 2021-ci ildə 2,2%-ə düşüb.

İnstitutun məlumatına görə, Rusiya 2021-ci ildə hərbi xərclərini 2,9% artıraraq 65,9 milyard dollara çatdırıb. Ardıcıl üçüncü ildir ki,  Rusiyanın hərbi xərcləri ÜDM-in 4,1%-ni təşkil edir.

"Neft və qazdan əldə edilən güclü gəlirlər Rusiyaya 2021-ci ildə hərbi xərclərini artırmağa kömək etdi", - hesabatda bildirilir.

ABŞ-ın hərbi xərcləri 2020-ci illə müqayisədə 1,4% azalaraq 801 milyard dollar təşkil edib.2021-ci ildə ÜDM-ə nisbətdə onlar 3,7%-dən 3,5%-ə düşüb.

Hesabatda qeyd olunur ki, 2012-2021-ci illərdə ABŞ-ın hərbi tədqiqat və inkişafa xərcləmələri 24% artıb, silah alışı üçün maliyyə isə 6,4% azalıb. Ötən il hər iki istiqamətdə - müvafiq olaraq 1,2% və 5,4% azalma qeydə alınıb.

Çinin hərbi xərcləri 2021-ci ildə xərcləri 2020-ci ilə nisbətən 4,7% artaraq 293 milyard dollar olub. Ölkə artıq 27-ci ildir ki, hərbi xərcləri artırır. 

Ötən il İranın hərbi büdcəsi son 4 ildə ilk dəfə artaraq 24,6 milyard dollara çatıb.

Hindistan 76,6 milyard dollar xərcləyərək 2021-ci ildə dünyada üçüncü yerdədir. Bu, 2020-ci illə müqayisədə 0,9%, 2012-ci illə müqayisədə isə 33% çoxdur. Ölkə öz hərbi sənayesini gücləndirməyə çalışır, 2021-ci il üçün hərbi büdcədə kapital qoyuluşlarının 64%-i Hindistan istehsalı olan silahların alınmasına yönəldilib.

Mərkəzi və Qərbi Avropada üçüncü ən böyük pul xərcləyən Almaniya 2021-ci ildə öz təyyarələrinə 56 milyard dollar və ya ÜDM-nin 1,3%-ni xərcləyib. İnflyasiya səbəbindən hərbi xərclər 2020-ci illə müqayisədə 1,4% az olub.