Danone, Evian və Alpro məhsullarının Rusiyaya tədarükünü dayandırdığını açıqladı

Danone, Evian və Alpro məhsullarının Rusiyaya tədarükünü dayandırdığını açıqladı

Şirkət həmçinin Rusiya Federasiyasında reklam və brendin təşviqi də daxil olmaqla bütün yeni investisiyaları dondurur.

Danone, Evian və Alpro məhsullarının Rusiyaya tədarükünü dayandırdığını açıqladı

Fransanın "Danone" şirkəti Rusiyadakı fəaliyyətini əsas süd məhsullarının istehsalına yönəltmək, Evian və Alpro kimi törəmə şirkətlərin Rusiya Federasiyasına ixracını dayandırmaq niyyətindədir.

Marja xəbər verir ki, bu barədə şirkətin çərşənbə günü dərc olunmuş 2022-ci ilin birinci rübü üzrə hesabatında deyilir.

"Danone, əsas süd məhsullarına, körpə və tibbi qidalanmaya diqqət yetirərək, Evian və Alpro məhsullarının idxalını dayandıraraq, Rusiyadakı əməliyyatlarını əhəmiyyətli dərəcədə uyğunlaşdırmaq qərarına gəlib", - hesabatda deyilir. Bu, həmçinin Rusiyada reklam və brendin təşviqi də daxil olmaqla, bütün yeni investisiyaların dondurulmasını nəzərdə tutur.

"Danone Rusiyadan nağd pul, dividend və ya mənfəət götürmür və ölkədə əldə etdiyi hər hansı gəliri humanitar yardım üzrə ixtisaslaşmış təşkilatlara bağışlayacaq", - şirkətin açıqlamasında deyilir.

Bundan əlavə, öz hesabatında "Danone" 2022-ci ilin birinci rübündə gəlirin 10,2% artaraq 2021-ci ilin eyni dövrü ilə müqayisədə 6,2 milyard avroya çatdığını bildirir. Şirkət bu artımın səbəbləri arasında “valyuta məzənnəsinin müsbət təsirini”, xüsusilə ingilis funt sterlinqi, ABŞ dolları və bir sıra Asiya ölkələrinin valyutalarının avroya nisbətdə dəyişməsini qeyd edir. Bundan əlavə, satışlarda kumulyativ artım 7,1%, o cümlədən Avropada 5,7%, Şimali Amerikada 5,5%, Çin, Şimali Asiya və Okeaniyada 15,3%, digər regionlarda isə 7% təşkil edib.

"2022-ci ildə şirkət hələ də satışların 3-5% artımını və 12%-dən yuxarı əməliyyat marjası gözləyir", - məlumatda deyilir.

20.04.2022 12:46

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az