Türkiyə Statistika Təşkilatının (TÜİK) məlumatına görə, il ərzində ən çox nəqliyyat xidmətləri, qida və alkoqolsuz içkilər, o cümlədən mebel və məişət ləvazimatları bahalaşıb.

2021-ci ilin mart ayı ilə müqayisədə 2022-ci ilin mart ayında Türkiyədə inflyasiya illik 61,1% təşkil edib. Marja xəbər verir ki, bu barədə bazar ertəsi TÜİK məlumat yayıb.

Fevral ayı ilə müqayisədə mart ayında inflyasiya aylıq 5,4%, ötən ilin dekabrından isə qiymətlər 22,8% artıb. 2021-ci ilin mart ayının məlumatlarını əsas götürsək, 12 ay ərzində qiymət artımı 61,1% təşkil edib.

İl ərzində ən çox nəqliyyat xidmətləri (99%), ərzaq və alkoqolsuz içkilər (70,3%), mebel və məişət əşyaları (69%) bahalaşıb.

Fevralın əvvəlində Türkiyə Statistika Təşkilatı 2022-ci ilin yanvarında ölkədə illik inflyasiya səviyyəsinin 48,69% olduğunu açıqlayıb. Bu rəqəm o zaman 2002-ci ildən bəri rekord idi.

Türkiyə prezidenti Rəcəb Tayyib Ərdoğanın sözlərinə görə, hazırda respublikanın əsas problemi inflyasiyadır. O, yüksək faiz dərəcələrini hakimiyyət orqanlarına inflyasiyanı effektiv şəkildə azaltmağa və lirənin ucuzlaşmasını dayandırmağa mane olan ciddi problem kimi görür. Dövlət başçısı dəfələrlə Mərkəzi Bankı uçot dərəcəsini azaltmaqdan imtina etdiyinə görə tənqid edib, baxmayaraq ki, bank bu rəqəmin istehlak qiymətlərinin artmasının və milli valyutanın ucuzlaşmasının əsas səbəbi olmadığını izah edib. Bu baxımdan, Mərkəzi Bank uçot dərəcəsini azaltmaqda son dərəcə istəksizdir.

XXX

Yüksək enerji və ərzaq qiymətlərilə Türkiyədə inflyasiya daha bir səviyyəni keçib.

Marja Türkiyə Statistika Təşkilatının (TÜİK) məlumatına istinadən xəbər verir ki, mart ayında illik istehlak qiymətləri indeksi (inflyasiya göstəricisi) 61,14 faiz olub.

Marja xəbər verir ki, aylıq artım (fevral ayı ilə müqayisədə) 5,46 faiz təşkil edib.

Baza inflyasiyası mart ayında da artmağa davam edib. Baza inflyasiya 48,39 faiz olaraq qeydə alınıb.

Mart ayında illik istehsalçı qiymətləri indeksi (itehsal inflyasiyası göstəricisi) üç rəqəmli səviyyəyə çatıb. İstehsalçı inflyasiyası mart ayında 114,97 faizə yüksəlib. Aylıq istehsalçı qiymətlərində artım 9,19 faiz təşkil edib.