Bu gün Fed faiz qərarını açıqlayacaq - DOLLAR BAHALAŞACAQ YOXSA UCUZLAŞACAQ

Bu gün Fed faiz qərarını açıqlayacaq - DOLLAR BAHALAŞACAQ YOXSA UCUZLAŞACAQ

ABŞ Federal Ehtiyat Sisteminin bu axşam keçiriləcək iclasında 2018-ci ildən bəri ilk dəfə faiz artıracağı gözlənilir. İnvestorlar Fed rəsmilərinin son 40 ilin ən yüksək səviyyəsində olan inflyasiya ilə mübarizədə nə qədər aqressiv olacağına dair siqnallar axtaracaqlar.

Bu gün Fed faiz qərarını açıqlayacaq - DOLLAR BAHALAŞACAQ YOXSA UCUZLAŞACAQ

Qlobal bazarlar ABŞ Mərkəzi Bankının (Fed) faiz qərarına fokuslanıb.

Marja xəbər verir ki, Fed faiz qərarını bu gün Bakı vaxtı ilə saat 22:00-da açıqlayacaq. Fed-in faizini 0,25 bənd artıraraq 0 - 0,25% aralığından 0,25% - 0,50% aralığına qaldıracağı nəzərdə tutulur.

VTB-də minimal faiz dərəcəsi ilə nağd kredit 10.49%-dən

Bloomberg-in sorğusuna qatılan 88 iqtisadçının hamısı Fed-in 2 günlük iclasından sonra bugün faiz dərəcələrini artıracağını gözləyir. 2022 və 2023-cü illər ərzində faizin cəmi 7 dəfə artırılacağı nəzərdə tutulur.

Bakı vaxtı ilə saat 22:30-da Fed sədri Cerom Pauel mətbuat konfransı başlayacaq.

Analitiklər bildirirlər ki, FED-in daha "şahin" tonlu ritorikası dollara müsbət təsir göstərə bilər.

Bloomberg Dollar İndeksi son 9 ayda 7 faizdən çox artıb. Bu dövrdə Dollar 31 valyutanın 29-u qarşısında bahalaşıb.

Dolların bahalaşmasına ABŞ-da iqtisadi artımın yaxşılaşması və inflyasiyanın yüksəlməsi, eləcə də faiz gözləntilərinin artması səbəb olub.

Tarix göstərir ki, ABŞ dolları FED-in uçot dərəcəsini artırmasından əvvəlki doqquz aylıq dövrdə bahalaşıb, faizin artırılmasından sonra isə ucuzlaşıb. ABŞ Federal Ehtiyat Sistemi və Beynəlxalq Hesablaşmalar Bankına əsaslanan məlumatlar göstərir ki, dollar Fed-in əvvəlki 4 sərtləşdirmə dövrü ərzində orta hesabla 4,1 faiz dəyər itirib.

Bir sıra strateqlər də faizin artırılmasından sonra Doların düşəcəyini gözləyirlər.

Strateqlər, "Tarix göstərir ki, dollar, xüsusən də Fed-in pul siyasətini sərtləşdirdiyi dövrlərin birinci mərhələsində yüksəlməkdən daha çox düşür". Strateqlər investorların faiz artımını qlobal inkişafın yaxşılaşmasının göstəricisi kimi qiymətləndirdiklərini və bu dövrdə əmtəələrin və Asiya valyutalarının ümumilikdə dollar qarşısında bahalaşdığını bildiriblər.

16.03.2022 09:04

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az