Avropa Pul Viktorinasına qeydiyyat başlayıb

Avropa Pul Viktorinasına qeydiyyat başlayıb

Avropa Pul Viktorinasına qeydiyyat başlayıb

Azərbaycan Respublikasının Mərkəzi Bankı, Azərbaycan Banklar Assosiasiyası və Avropa Banklar Federasiyasının birgə təşkilatçılığı ilə 7 aprel 2022-ci il tarixində 13-15 yaşlı məktəblilər arasında “Avropa Pul Viktorinası”nın milli mərhələsinin seçim turu keçiriləcəkdir.

“Avropa Pul Viktorinası” 28 Avropa ölkəsinin məktəbliləri arasında maliyyə savadlılığı üzrə keçirilən yarışdır. Viktorina iki əsas mərhələdən – milli və Avropa finalından ibarətdir.

Milli final mərhələsində qalib gələn 2 nəfər Avropa finalında iştirak etmək hüququ qazanacaqdır.

İstər milli, istərsə də Avropa finalının qaliblərini dəyərli hədiyyələr gözləyir.

Həmçinin pandemiya ilə əlaqədar şərtlər uyğun olacağı təqdirdə Avropa finalında qalib gələn məktəblilərin 2022-ci ilin yayında Brüselə səyahəti də planlaşdırılır.

Əvvəlki illərin sualları ilə bu linkdən: https://www.ebf.eu/europeanmoneyquiz/practice/ tanış ola bilərsiniz. Həmçinin maliyyə savadlılığı ilə bağlı bilikləri artırmaq üçün Azərbaycan Respublikasının Mərkəzi Bankının Virtual Təhsil Platformasına - https://edu.e-cbar.az/course/preview.php?id=125 keçid edə bilərsiniz.

İştirak şərtləri

-İştirakçı hazırda Azərbaycanda olan hər hansı bir ümumtəhsil müəssisəsində oxumalıdır;

-İştirakçı 13-15 yaş aralığında olmalıdır (Yəni, iştirakçının təvəllüdü 11 may 2006-cı il və 14 sentyabr 2009-cu il aralığında olmalıdır).

Qeyd

-Mövcud epidemioloji şərait səbəbindən viktorinanın milli mərhələsinin bəzi turları və Avropa finalı onlayn platforma üzərindən təşkil ediləcəkdir.

-Milli mərhələ bir neçə turdan ibarət olacaqdır. Bu şərtlər ilkin seçim turunu keçən iştirakçılara ətraflı izah ediləcəkdir.

-Viktorinanın istər milli, istərsə də Avropa finalı üzrə sualları Azərbaycan dilində olacaqdır.

Qeydiyyat

İlkin seçim turu üçün 30 mart 2022-ci il saat 18:00-a qədər bu linkdən qeydiyyatdan keçmək və müvafiq sualları cavablandırmaq lazımdır.

Əlaqə

Daha ətraflı məlumatı Azərbaycan Banklar Assosiasiyasının office@aba.az ünvanına mövzu hissəsində “Avropa Pul Viktorinası 2022” yazaraq əldə edə bilərsiniz.

15.03.2022 18:44

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az