Rusiya xaricə gübrə satışını dayandırır - "Ərzaq qıtlığına səbəb ola bilər"

Rusiya xaricə gübrə satışını dayandırır - "Ərzaq qıtlığına səbəb ola bilər"

Rusiya Federasiyasının Sənaye və Ticarət Nazirliyi bildirib ki, xarici şirkətlər tərəfindən daşınmanın təxribatı səbəbindən Avropa və digər ölkələrdə fermerlər gübrə ala bilmirlər.

Rusiya xaricə gübrə satışını dayandırır - "Ərzaq qıtlığına səbəb ola bilər"

Rusiya Federasiyasının Sənaye və Ticarət Nazirliyi normal daşınma bərpa olunana və tədarüklərə zəmanət verilənə qədər gübrələrin ixracını dayandırmağı tövsiyə edib.

“Hazırda elə bir vəziyyət yaranır ki, bir sıra xarici logistika şirkətləri tərəfindən daşımanın təxribatı nəticəsində Avropa və digər ölkələrdəki fermerlər müqavilədə nəzərdə tutulmuş həcmdə gübrələri ala bilmirlər. Qərb ölkələri və Şərqi Avropa, Latın Amerikası, Cənubi və Cənub-Şərqi Asiya üçün Rusiya gübrələrini əvəz etmək ya son dərəcə çətindir, ya da hətta qeyri-mümkündür”, - məlumatda deyilir.

VTB-də yüksək depozit faizləri daha çox qazandırır

Sənaye və Ticarət Nazirliyi vurğulayıb ki, gübrələrin daşınmasında yaranan fasilələr bir sıra ölkələrin milli təhlükəsizliyinə birbaşa təsir göstərə bilər və ortamüddətli perspektivdə yüz milyonlarla insan üçün ərzaq çatışmazlığı şəklində ciddi nəticələrə səbəb ola bilər.

“Xarici logistik operatorların işi ilə bağlı mövcud vəziyyəti və bununla bağlı riskləri nəzərə alaraq, Rusiyanın Sənaye və Ticarət Nazirliyi rus istehsalçılarına daşıyıcıların fəaliyyətlərini bərpa edənə qədər Rusiya gübrələrinin ixracını müvəqqəti dayandırmağı tövsiyə etməyə məcbur olub", - nazirlik qeyd edib.

Departamentdən əlavə ediblər ki, rusiyalı fermerlər həm həcm, həm də çeşid baxımından mineral gübrələrlə tam təmin olunurlar.

"Rusiya fermerlərinin mineral gübrəyə olan bütün ehtiyacları həm həcm, həm də bütün tələb olunan çeşid baxımından tam ödənilir", - nazirliyin məlumatında deyilir.

Bir sıra xarici logistika şirkətləri fəaliyyətlərini dayandırdıqları üçün Avropa və digər ölkələrin fermerləri Rusiya Federasiyasından gübrə ala bilmirlər. Gübrələrin daşınmasında yaranan fasilələr bir sıra ölkələrin milli təhlükəsizliyinə təsir göstərə və ortamüddətli perspektivdə ərzaq qıtlığına səbəb ola bilər.

04.03.2022 18:38