23 fevral 2022-ci il tarixində Azərbaycan Banklar Assosiasiyasının (ABA) Ümumi yığıncağı keçirilmişdir.

Marja xəbər verir ki, iclasın gündəliyinə ABA-nın və onun törəmə qurumlarının 2021-ci il üzrə fəaliyyətinə dair hesabatlarının təsdiqi və digər cari məsələlər daxil olmuşdur.

Bundan əlavə Ümumi yığıncaqda “Bank Ombudsmanın Əsasnaməsi”nə müvafiq dəyişiklik edilmişdir. Belə ki, həmin dəyişikliyə əsasən, Bank Ombudsmanı tərəfindən baxıla biləcək şikayətlər 2 000 (iki min) ABŞ dollarından 10 000 (on min) ABŞ dollarına qaldırılmışdır.

İclasın sonunda 2021-ci il üzrə ABA-ya üzv bankların və o cümlədən ABA-nın nəzdində vəaliyyət göstərən fəal Ekspert Qruplarının mükafatlandırılması keçirilmişdir. 

“Bankçılıq Mükafatları- 2021” tədbiri keçirilib

Yığıncaqda, Azərbaycan Banklar Assosiasiyasının (ABA) təşkilatçılığı ilə “Bankçılıq Mükafatları - 2021” adlı tədbiri də baş tutmuşdur.

ABA-ya üzv təşkilatların müxtəlif nominasiyalar üzrə mükafatlandırılması məqsədilə keçirilən tədbirdə kommersiya banklarının yuxarı menecmenti, ABA-nın nəzdində fəaliyyət göstərən Ekspert qruplarının rəhbərləri.

Mükafatlandırma mərasimində qeyd edilib ki, 2021-ci ildə banklar tərəfindən çoxsaylı korporativ sosial məsuliyyət layihələri, eləcə də təhsil və maliyyə savadlılığının dəstəklənməsi tədbirləri reallaşdırılıb. ABA, bütün bu istiqamətlər üzrə həyata keçirilən layihələri qiymətləndirərək müxtəlif nominasiyalar üzrə ən fəal bankları seçib.

Belə ki, 2021-ci il üçün “Korporativ sosial məsuliyyət” nominasiyası üzrə “AFB Bank” ASC,   “ABB” ASC, “Bank BTB” ASC, “Bank of Baku” ASC, “Bank Respublika” ASC,  “Bank VTB (Azərbaycan)” ASC, “Expressbank” ASC, “Xalq Bank” ASC, “Kapital Bank” ASC, “Muğanbank” ASC, “PAŞA Bank” ASC, “Rabitəbank” ASC, “TuranBank” ASC, “Unibank KB” ASC, “Yelo Bank” ASC, “Yapı Kredi Bank Azərbaycan” QSC, “Ziraat Bank Azərbaycan” ASC mükafatlandırılıb.

“Ən fəal maliyyə savadlılığı dəstəkçisi” nominasiyası üzrə “ABB” ASC, “Bank of Baku” ASC, “Bank Respublika” ASC, “Naxçıvan Bank” ASC, “PAŞA Bank” ASC, “Rabitəbank” ASC, “TuranBank” ASC, “Yelo Bank” ASC, “Yapı Kredi Bank Azərbaycan” QSC mükafata layiq görülüb.

“Ən fəal təhsil dəstəkçisi” nominasiyası üzrə isə “Azər Türk Bank” ASC, “ABB” ASC, “Bank Respublika” ASC, “Bank VTB (Azərbaycan)” ASC, “Expressbank” ASC, “Kapital Bank” ASC, “Naxçıvan Bank” ASC, “PAŞA Bank” ASC, “Unibank” KB ASC, “Yelo Bank” ASC, “Yapı Kredi Bank Azərbaycan” QSC, “Ziraat Bank Azərbaycan” ASC təltif edilib.

“Kiçik və Orta Biznesin maliyyə əlçatanlığının artırılması ilə əlaqədar tədbirlər keçirmiş ABA üzvü” nominasiyası üzrə “ABB” ASC, “Bank Respublika” ASC, “Bank VTB (Azərbaycan) ASC, “Kapital Bank” ASC, “PAŞA Bank” ASC, “Rabitəbank” ASC təltif edilib.

“Nağdsız ödənişlərin təşviqi sahəsində tədbirlərlə fərqlənən ABA üzvü” nominasiyası üzrə “Azər Türk Bank” ASC, “ABB” ASC, “Bank Respublika” ASC, “Rabitəbank” ASC mükafatlandırılıb.

“Elektron Bankçılıq” nominasiyası üzrə “Kapital Bank” ASC və “Unibank” KB ASC mükafatlandırılıb.

“Bank-maliyyə sahəsində araşdırmalar və yazılarla çıxış edən ABA üzvü” nominasiyası üzrə “Bank of Baku” ASC, və “Rabitəbank” ASC mükafatlandırılıb.

ABA-nın “Ən fəal ekspert qrupu” seçilib

Yığıncaqda həmçinin, Azərbaycan Banklar Assosiasiyasının (ABA) təşkilatçılığı ilə “Bankçılıq Mükafatları - 2021” adlı tədbiri də baş tutmuşdur.

“Ödəniş sistemləri və rəqəmsal bankçılıq üzrə” Ekspert Qrupu “Ən fəal ekspert qrupu” nominasiyası üzrə I yerə layiq görülmüşdür.

2021-cu il üçün “Ən fəal ekspert qrupu” nominasiyası üzrə Ekspert Qruplarının qiymətləndirilməsi:

-“Ödəniş sistemləri və rəqəmsal bankçılıq üzrə” Ekspert Qrupu-I yer

-“Hüquqi məsələlər üzrə” Ekspert Qrupu-II yer

-“Risklərin idarə edilməsi üzrə” Ekspert Qrupu-III yer

Həmçinin “Fəal ekspert qrupu” nominasiyası üzrə “Kredit işi üzrə” və “İnsan resurslarının idarə edilməsi üzrə” Ekspert Qrupları mükafatlandırılıb.