“PAŞA Bank” ASC-nin Türkiyədəki törəməsi “PAŞA Yatırım Bankası” 2021-ci ili 47 milyon 125 min lirə (6 milyon 126 min manat) xalis mənfəətlə başa vurub.

Bankın maliyyə hesabatına istinadən xəbər verir ki, bu, 2020-ci ilə nisbətən 50,2% çoxdur.

Ötən il "PAŞA Yatırım Bankası"nın faiz gəlirləri 219 milyon 309 min lirə (28 milyon 510 min manat, illik müqayisədə 69% çox), faiz xərcləri 106 milyon 394 min lirə (13 milyon 831 min manat, 97,6% çox), haqq və komissiya gəlirləri 10 milyon 285 min lirə (1 milyon 337 min manat, 2,5 dəfə çox), qiymətli kağızların alqı-satqısından gəlirləri 20 milyon 516 min lirə (2 milyon 667 min manat, 3,75 dəfə çox), inzibati xərcləri 28 milyon 442 min lirə (3 milyon 697 min manat, 17,2% çox), digər gəlirləri 11 milyon 155 min lirə (1 milyon 450 min manat, 23,1% çox), digər xərcləri 24 milyon 780 min lirə (3 miylon 221 min manat, 4,35% çox), xüsusi ehtiyatlara ayırmaları 37 milyon 459 min lirə (4 milyon 870 min manat, 8,3 dəfə çox), mənfəət vergisi ödəmələri isə 17 milyon 65 min lirə (2 milyon 218 min manat, 59,3% çox) təşkil edib.

Bu il yanvarın 1-nə “PAŞA Yatırım Bankası”nın aktivləri 3 milyard 562 milyon 553 min lirə (463 milyon 132 min manat) olub ki, bu da illik müqayisədə 63,5% çoxdur. Bunun 2 milyard 216 milyon 450 min lirəsi (288 milyon 139 min manat) müştərilərə verilmiş xalis kreditlərdir. Son 1 ildə Bankın kredit portfeli 60,1% böyüyüb.

Hesabat dövründə “PAŞA Yatırım Bankası”nın öhdəlikləri 82,8% artaraq 2 milyard 955 milyon 573 min lirəyə (384 milyon 224 min manat), balans kapitalı isə 7,9% artaraq 606 milyon 980 min lirəyə (78 milyon 907 min manat) çatıb.

Xatırladaq ki, "PAŞA Yatırım Bankası" 2015-ci ildə "PAŞA Bank"ın Türkiyənin "Aksoy Holdinq"inə məxsus "TAİB Bank"ın səhmlərini alması ilə yaradılıb. Onun nizamnamə kapitalı 500 milyon lirədir (65 milyon manat). Bankın səhmlərinin 50,96%-i “PAŞA Bank”a, 49%-i Bankın daxil olduğu “PAŞA Holdinq” MMC-yə, 0,04%-i isə “Aksoy Holdinq”ə məxsusdur. 

1 lirə = 0,13 manat

15%-DƏN BAŞLAYAN KREDİTİ ONLAYN ƏLDƏ ET

© Renkinq