TotalEnergies rekord mənfəət əldə etdikdən sonra 2 milyard dollarlıq səhmlərini geri alacaq

TotalEnergies rekord mənfəət əldə etdikdən sonra 2 milyard dollarlıq səhmlərini geri alacaq

TotalEnergies rekord mənfəət əldə etdikdən sonra 2 milyard dollarlıq səhmlərini geri alacaq

Fransanın enerji qrupu TotalEnergies, artan neft və qaz qiymətləri ilə 2008-ci ildən bəri rekord xalis mənfəət əldə etdikdən sonra 2022-ci ildə 2 milyard dollarlıq səhmlərin geri alınması kampaniyasına başlayacaq.

Marja xəbər verir ki, bu barədə cümə axşamı onun bəyanatına istinadən Financial Times qəzeti yazıb.

VTB-də yüksək depozit faizləri daha çox qazandırır

TotalEnergies-in hesabatına görə, 2021-ci ildə xalis mənfəəti 2020-ci ildəki 7 milyard 240 milyon dollar zərərə qarşı 16 milyard 32 milyon dollara çatıb. Bu nailiyyətə ən böyük töhfəni dördüncü rüb verib: onun xalis mənfəəti əvvəlki ilin eyni dövrü ilə müqayisədə 6,6 dəfə artaraq 5 milyard 840 milyon dollar olub. Nəticələr, Avropa təbii qaz qiymətlərinin oktyabr və dekabr aylarında rekord həddə çatdığı üçün onun mayeləşdirilmiş təbii qaz (LNG) ticarət bölməsi üçün xüsusilə güclü qazanc əldə etməsinə səbəb olub.

TotalEnergies-in baş direktoru Patrick Pouyanne bildirib ki, qrup 2022-ci ilin ikinci yarısında səhmlərin daha çox geri alınmasını nəzərdən keçirəcək. O, həmçinin 2022-ci il üçün ümumi investisiya büdcəsini 14 milyard dollardan 15 milyard dollara qədər artırıb. 2021-ci ildə xalis investisiya 13,3 milyard dollar təşkil edib.

Britaniya nəşri vurğulayır ki, TotalEnergies emissiyaları azaltmaq və gələcəyin enerjisinə "yol çəkmək" məqsədilə bərpa olunan enerji mənbələrinə investisiyaları artırır, lakin bəzi rəqiblərdən fərqli olaraq, yeni neft layihələrinə investisiya qoymağa da davam edir. Şirkət bu ay Çin Milli Neft və Qaz Dəniz Korporasiyası (CNOOC) ilə birlikdə Uqandada 10 milyard dollarlıq neft layihəsi üçün investisiya sazişinin imzalandığını elan edib.

Müqavilə Uqandadakı Albert gölü yaxınlığında TotalEnergies və CNOOC şirkətlərinə məxsus inkişaf layihəsini əhatə edir. Neft hasilatı 2025-ci ildə başlayacaq, ümumi səviyyə gündəlik 230 min barel olacaq. Uqanda və Tanzaniyada Şərqi Afrika neft kəmərinin çəkilməsi də planlaşdırılır. Yataqlardan neftin nəqli boru kəməri ilə Tanzaniyanın Tanqa limanına nəql ediləcək.

11.02.2022 09:50

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az