2020-ci ildə Azərbaycanda fəaliyyət göstərmiş və illik maliyyə hesabatını açıqlamış 42 BOKT-dan 19-u ötən il mənfəət vergisi ödəməyib.

Bunlar vergiyəqədərki mənfəəti olmayan “Azinvestkredit”, “Birkart”, “Falcon Finance”, “Finans İnvest”, “Fintrend”, “Gold Finance”, “İDK”, “Kredaqro”, “Optimal Finance”, “Prior Credit”, “Regional”, “Union Kredit”, “Viza Kredit”, “İnkişaf üçün maliyyə”, “MJ Financial Services” və “Azərbaycan Mikro-Kredit”, eləcə də vergiyəqədərki mənfəəti olan “Kredex”, “TCF” və “TBC Kredit”dir. Bunlardan isə 4-ü – “İnkişaf üşün maliyyə”, “MJ Financial Services”, “Azərbaycan Mikro-Kredit” və “TBC Kredit” mənfəət vergisi ödəmələrin qənaət edib – 6 min manatdan 127 min manata qədər.

Qalan 23 BOKT isə müxtəlif məbləğlərdə mənfəət vergisi ödəyib. Bu baxımdan ən yüksək göstərici “M Bulak”da (1,446 milyon manat), ən aşağı göstərici isə “Premier Kredit”da (0,001 milyon manat) qeydə alınıb.

8 BOKT - “Aset Maliyyə Texnologiyaları”, “Azəri Star Mikromaliyyə”, “Azpul”, “Caspian İnvest”, “Finans Kredit”, “Omni Finance”, “Para” və “Pro Kredit”  2020-ci ilin, 1 BOKT – “Fintrend” isə 2019-cu ilin hesabatını verməyib, 4 BOKT - “Azfinans”, “Azkredit”, “FNC” və “Nas Project” mikromaliyyə bazarına 2021-ci ildə, 4 BOKT - “Azpul”, “Finans Kredit”, “Optimal Finance” və “Prior Credit” isə 2020-ci ildə daxil olub.

Həmçinin oxu

Azərbaycanda 17 BOKT-un ötən il vergiyəqədərki mənfəəti olmayıb

2019-2020-ci illərdə bazarda olmuş və hesabat vermiş 39 BOKT-dan 14-ü ötən il mənfəət vergisi ödəmələrini artırıb. Bunlar “International”, “Viator Mikrokredit Azərbaycan”, “PSG Finans”, “Aqrarkredit”, “Avrasiya-Kredit”, “Azmikroinvest”, “Asel Kredit”, “MCB”, “City Finance”, “M Bulak”, “Effektinvest”, “İdeal Kredit”, “Embafinans” və “Kəpəzdir”. Ən yüksək dinamika “International”da (6,3 dəfə), ən aşağı dinamika isə “Kəpəz”də (2,3%) qeydə alınıb.

9 BOKT-un – “Finex Kredit”, “Kredit Servis”, “FİNKA Azərbaycan”, “Qafqaz-Kredit”, “Finoko”, “Merkuri”, “Azinvestkredit”, “İDK” və “Kredaqro”nun isə mənfəət vergisi ödəmələri azalıb. Ən çox azalma “Azinvestkredit”, “İDK” və “Kredaqro”da (100%), ən az azalma isə “Finex Kredit”də (27,9%) qeydə alınıb.

1 BOKT-un – “MJ Financial Services”in mənfəət vergisi ödəmələri üzrə qənaəti 31 dəfə artıb, 1 BOKT-un – “İnkişaf üçün maliyyə”nin isə mənfəət vergisi ödəmələri üzrə qənaət 92,7% azalıb.

9 BOKT - “Birkart”, “Falcon Finance”, “Finans İnvest”, “Gold Finance”, “Kredex”, “Regional”, “TCF”, “Union Kredit” və “Viza Kredit” həm 2020-ci ildə, həm də 2019-cu ildə vergi ödəməyib və yaxud vergi ödəmələrinə qənaət etməyib. 3 BOKT - “Brand Credit”, “İcraçı Kredit Agentliyi” və “Brand Credit” ötən il vergi ödəsə də, əvvəlki il vergi ödəməyib və yaxud vergi ödəmələrinə qənaət edib. 2 BOKT - “Azərbaycan Mikro-Kredit” və “TBC Kredit” isə 2020-ci ildə vergi ödəmələrinə qənaət etsə də, 2019-cu ildə vergi ödəyib. Odur ki,bu kredit təşkilatlarının ödədiyi/qənaət etdiyi mənfəət vergisinin dinamikasını hesablamaq mümkün olmayıb.

Telegramda Marja.az səhifəsinə abunə olun

“Renkinq”