26 bankdan 13-nün xalis mənfəəti artıb

Azərbaycanda fəaliyyət göstərən 26 bankdan 4-ü bu ilin yanvar-sentyabr aylarını zərərlə başa vurub.

Bunlar “Bank Avrasiya” ASC, “Access Bank” və “Yapı Kredi Bank Azərbaycan” QSC-lər, Pakistan Milli Bankının Bakı filialıdır.

Qalan 22 bank isə müxtəlif məbləğlərdə (xalis) mənfəət əldə edib. Onlardan 4-də sözügedən göstərici 15 milyon manatdan çoxdur. Həmin banklar “Azərbaycan Beynəlxalq Bankı” (197,182 milyon manat), “Kapital Bank” (135,181 milyon manat), “PAŞA Bank” (69,285 milyon manat) və “Bank of Baku” (16,788 milyon manat) ASC-lərdir.

Qalan 18 bankdan 3-də (xalis) mənfəət 10-15 milyon manat arasında, 10 bankda 1-10 milyon manat arasında, 5 bankda isə 1 milyon manatdan azdır.

7 bankın (xalis) mənfəəti azalıb

Azərbaycanda fəaliyyət göstərən 26 bankdan 13-nün bu ilin yanvar-sentyabr aylarındakı (xalis) mənfəəti ötən ilin eyni dövrü ilə müqayisədə çox olub.

Bunlar “Azər-Türk Bank”, “AFB Bank”, “Bank BTB”, “Bank Respublika”, “Zıraat Bank Azərbaycan”, “Bank of Baku”, “Rabitəbank”, “Günay Bank”, “Bank VTB Azərbaycan”, “Azərbaycan Beynəlxalq Bankı”, “PAŞA Bank” və “Express Bank” ASC-lər, eləcə də İran Milli Bankının Bakı filialıdır.

Ən yüksək dinamika “Azər-Türk Bank”da (8,2 dəfə), ən aşağı dinamika isə İran bankında (7,3%) qeydə alınıb.

7 bankın – “Premium Bank”, “Naxçıvan Bank”, “Kapital Bank”, “Xalq Bank”, “Unibank”, “Azərbaycan Sənaye Bankı” və “Turan Bank” ASC-lərin isə (xalis) mənfəəti azalıb. Ən çox azalma “Turan Bank”da (71,4%), ən az azalma isə “Premium Bank”da (8,5%) qeydə alınıb.

1 bankın – Pakistan Milli Bankının Bakı filialının isə zərəri 27,6% azalıb.

2 bank – “Muğan Bank” və “Yelo Bank ASC-lər bu ilin yanvar-sentyabr aylarını mənfəətlə, ötən ilin eyni dövrünü zərərlə, 3 bank – “Bank Avrasiya” ASC, “Access Bank” və “Yapı Kredi Bank Azərbaycan” QSC-lər isə bu ilin 9 ayını zərərlə, ötən ilin eyni dövrünü mənfəətlə başa vurublar. Odur ki, bu bankların (xalis) mənfəətinin / zərərinin dinamikasını hesablamaq mümkün olmayıb.

Telegramda Marja.az səhifəsinə abunə olun

30.11.2021 09:03

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az