İsveçrə saatlarının ixracı pandemiyadan əvvəlki ilə nisbətən 4,8% artıb

İsveçrə saatlarının ixracı pandemiyadan əvvəlki ilə nisbətən 4,8% artıb

İsveçrə saatlarının ixracı pandemiyadan əvvəlki ilə nisbətən 4,8% artıb

Bu ilin oktyabr ayında İsveçrə saatlarının ixracı 2019-cu ilin analoji ayında qeydə alınan göstəriciyə nisbətən 4,8% artaraq 2,127 mlrd. İsveçrə frankına (2,294 mlrd. ABŞ dolları) çatıb. Sentyabrda ixracda 3,1%-lik artım, avqustda 0,4%, iyulda 7,6%, iyunda isə 12,5%-lik azalma qeydə alınıb.

Bu barədə İsveçrə Saat Sənayesi Federasiyasının açıqlamasında deyilir.

Ötən ilin oktyabr ayı ilə müqayisədə (pandemiya dövrü) saat ixracı 12,5%, sentyabrda – 16,6%, avqustda – 11,5%, iyulda – 29,1%, iyunda – 71%, mayda isə 2,7 dəfə artıb. Aprel ayında 2020-ci ilin aprel ayı ilə müqayisədə artım 5,5 dəfə, mart ayında isə 37,2% olub, bundan əvvəl saat ixracında 13 ay ardıcıl olaraq azalma qeydə alınmışdı.

Oktyabrda ixracın böyük hissəsini təşkil edən qol saatlarının tədarükü 2019-cu ilin oktyabr ayına nisbətən 5,1% artaraq 2,024 mlrd. frank (2,183 mlrd. dollar) təşkil edib.

İsveçrə saatlarının ABŞ-a ixracı 2019-cu ilin oktyabr ayına nisbətən 35,6% artaraq 309,1 mln. franka (333,3 mln. dollar), Çinə – 23% artaraq 268,8 mln. franka (290 mln. dollar), Yaponiyaya – 1,3% artaraq 147,9 mln. franka (159,4 mln. dollar), Sinqapura isə 11,6% artaraq 122,1 mln. franka (131,7 mln. dollar) çatıb. Bununla belə, Honkonqa ixracat 9,7% azalaraq 173 mln. franka (186,6 mln. dollar), Böyük Britaniyaya isə 2,3% azalaraq 100,9 mln. franka (108,7 mln. dollar) enib. Bu altı ölkə oktyabrda İsveçrə saatları bazarında 54,7% paya sahib olub. Ümumilikdə, sözügedən ölkələrə saat tədarükü ikiillik ifadədə 11,9% artıb.

Yanvar-oktyabr aylarında İsveçrə saatlarının ixracı 2019-cu ilin analoji dövrü ilə (pandemiyadan əvvəlki dövr) müqayisədə 1,4% artaraq 16,822 mlrd. frank (18,141 mlrd. dollar) təşkil edib. İllik ifadədə artım 36,5% olub.

Telegramda Marja.az səhifəsinə abunə olun

APA

18.11.2021 14:50

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az