23 milyon manat zərərdən 11 milyon manatdan çox mənfəətə!

2020-ci ilin 9 ayını (yanvar-sentyabr dövrünü) 23 milyon 193 min manat xalis zərər ilə başa vurmuş “Yelo Bank” ASC, 2021-ci ilin 9 ayını 11 milyon 367 min manat xalis mənfəət ilə bağlayıb. Xalis mənfəətin böyük hissəsi ehtiyatdan azad olmuş vəsait ilə əlaqədardır.
Marja Bankın maliyyə hesabatına istinadən xəbər verir ki, 2021-ci ilin 9 ayında “Yelo Bank”ın cəmi əməliyyat gəlirləri (faiz və qeyri-faiz gəlirləri) 48 milyon 810 min manat, cəmi əməliyyat xərcləri (faiz və qeyri-faiz xərcləri) 47 milyon 260 min manat, gəlirlər xərcləri üstələdiyindən əməliyyat mənfəəti 1 milyon 550 min manat təşkil edib. Eyni zamanda, mümkün zərərlər üçün yaradılan məqsədli ehtiyatlardan azad olmuş (qayıtmış) 9 milyon 817 min manatın heabına mənfəət 11 milyon 367 min manata yüksəlib.
Xatırladaq ki, 2020-ci ilin 9 ayında “Yelo Bank”ın cəmi əməliyyat gəlirləri 43 milyon 348 min manat, cəmi əməliyyat xərcləri 43 milyon 506 min manat, xərclər gəlirləri üstələdiyindən əməliyyat zərəri 157 min manat təşkil etmişdi. Mümkün zərərlər üçün yaradılan məqsədli ehtiyatlara 23 milyon 35 min manat ayırması ilə əlaqədar olaraq Bank həmin dövrü 23 milyon 193 min manat xalis zərər ilə bağlamışdı.
2021-ci ilin 9 ayında “Yelo Bank”ın cəmi əməliyyat gəlirlərinin 5 milyon 462 min manat artmasına qarşılıq cəmi əməliyyat xərcləri 3 milyon 754 min manat artıb. Qısası, gəlirlər xərclərdən 1 milyon 708 min manat çox artıb və bu Bankın əməliyyat mənfəətinə çıxmasını təmin edib.
"Yelo Bank"ın cəmi aktivləri 2021-ci ilin 9 ayında ötən ilin sonu ilə müqayisədə 104 milyon 810 min manat və ya 26,8% artaraq 495 milyon 734 min manata yüksəlib. Bank 2020-ci ilin sonunda390 milyon 924 min manat cəmi aktivlərə malik idi.
"Yelo Bank" tərəfindən müştərilərə verilmiş kreditlər 2021-ci ilin 9 ayında ötən ilin sonu ilə müqayisədə 99 milyon 804 min manat və ya 32,4 % artaraq 408 milyon 142 min manata çatıb. Bank 2020-ci ilin sonunda 308 milyon 338 min manat kredit portfelinə malik idi.
O cümlədən, "Yelo Bank" tərəfindən verilmiş biznes kreditləri 82 milyon 870 min manat və ya 57,6% artaraq 226 milyon 832 min manata, istehlak kreditləri 27 milyon 99 min manat və ya 32,2% artaraq 111 milyon 189 min manata çatıb. Bankın daşınmaz əmlak kreditləri (ipoteka) portfeli 10 milyon 166 min manat və ya 12,7% azalaraq 70 milyon 122 min manata düşüb.
"Yelo Bank"da depozitlər 2021-ci ilin 9 ayında ötən ilin sonu ilə müqayisədə 74 milyon 372 min manat və ya 31,6% artaraq 309 milyon 531 min manata qalxıb. 2020-ci ilin sonunda Bankda depozitlər 235 milyon 159 min manat təşkil etmişdi.
30 Sentyabr 2021-ci il tarixində "Yelo Bank"64 milyon 266 min manat məcmu kapitala malik olub. Ötən ilin sonunda Bankın məcmu kapitalı 53 milyon 805 min manat təşkil etmişdi.
2021-ci ilin yanvar ayından etibarən "Yelo Bank"ın İdarə Heyətinin sədri vəzifəsini Anar Həsənov icra etməyə başlamışdır. Anar Həsənov özünə yaxın bir sıra peşəkaları da Banka cəlb edib.
Yelo Bankın İdarə Heyətinin sədri Anar Həsənov maliyyə nəticələrini belə şərh edib: "Hər növbəti ay, hər növbəti rüb yeni strategiyamızın düzgünlüyünə daha da əmin oluruq. Lakin bu nəticələr yalnız strategiya deyil, onu düzgün icra edən 900 nəfərdən ibarət böyük bir komandanın uğurudur. Artan müştəri məmnuniyyəti bu ailənin hər bir üzvünə hər ötən gün daha yaxşı xidmət göstərmək üçün yeni stimul verir. Xidmət keyfiyyətini daha da artırmaq və daha çox müştəriyə çata bilməyimiz üçün filial şəbəkəmizi genişləndirməklə bərabər rəqəmsal məhsullarımızı da inkişaf etdiririk. Tezliklə Yelo Bank hər kəsə daha yaxın olacaq.".
Tanınmış Azərbaycan əsilli iş adamı, milyarder Vahid Ələkbərov "Yelo Bank" ASC-nin əsas səhmdarıdır.
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri
SON XƏBƏRLƏR
- 1 ay sonra
- 5 saat əvvəl
- 13 saat əvvəl
-
- 14 saat əvvəl
-
1 gün əvvəl
Bir neçə şirkət İPO ilə bağlı Bakı Fond Birjasına müraciət edib
-
1 gün əvvəl
9 avtobus marşrutu üzrə müsabiqələrin qalibləri müəyyən edilib - ADLARI AÇIQLANIB
-
1 gün əvvəl
Tezliklə ChatGPT internetdə alış-veriş edə və “PowerPoint” təqdimatları yarada biləcək
-
1 gün əvvəl
PashaPay və ASAN xidmət media nümayəndələri üçün süni zəka təlimi keçirib
- 1 gün əvvəl
-
1 gün əvvəl
“Rabitəbank” və Dövlət Məşğulluq Agentliyi arasında memorandum imzalanıb
- 1 gün əvvəl
- 1 gün əvvəl
Son Xəbərlər

"İrşad" Sea Breeze-də mağaza açdı - FOTOLAR

Sabahın hava pronozu açıqlanıb

Bir neçə şirkət İPO ilə bağlı Bakı Fond Birjasına müraciət edib

Dolların bazar ertəsi üçün rəsmi məzənnəsi müəyyən olunub

“TBC Kredit BOKT”ın lisenziyası könüllü əsasla ləğv edilib

“Sea Breeze”ə yeni marşrut fəaliyyətə başlayır

Dövlət 3 bankda 500 milyon manat depozit yerləşdirdi

"Coca-Cola Azərbaycan" UNEC ilə memorandum imzalayıb

"Modenis" şirkətindən “eManat”ın fəaliyyətilə bağlı açıqlama

Milyonçu Fərhad Əhmədovdan gəmisinin həbsdən azad olunması üçün 6 milyon dollar rüşvət istənilib - MƏHKƏMƏ

8,5 milyon manata tikilmiş Xocalı kərpic zavodunun açılışı olub
