Azərbaycanın iri bankı kredit faizlərinin daha da aşağı düşəcəyini gözləyir

Azərbaycanın iri bankı kredit faizlərinin daha da aşağı düşəcəyini gözləyir

Azərbaycanın iri bankı kredit faizlərinin daha da aşağı düşəcəyini gözləyir

Biznes krediti faizlərinin daha da aşağı düşəcəyi gözlənilir.

Bunu Marja-ya “PAŞA Bank” ASC-nin İdarə Heyətinin üzvü, Baş maliyyə inzibatçısı Bəhruz Nağıyev bildirib.

Qeyd edək ki, hazırda PAŞA Bank 12%-dən başlayan faizlər ilə, 250 min manatadək, grovsuz onlayn biznes krediti təklif edir. 2021-ci ilin əvvəlində biznes kreditinin faizi 16.5% - 17%- ikən, hazırda 12%-dən başlayır.

Bəhruz Nağıyevin sözlərinə görə, proseslər faizlərin daha da aşağı düşə biləcəyinə işarə edir:

“Bankın kredit faizi cəlb etdiyi vəsaitlər üzrə xərclərindən asılıdır. Təbii ki, cəlb edilən vəsaitlər ucuzlaşarsa, bank kredit faizlərini aşağı sala bilər. Hazırda Mərkəzi Bankın uçot dərəcəsi 6,25%-dir. Maliyyə Nazirliyinin dövlət istiqrazlarının faizi 5% - 7% səviyyələrinə düşüb. Belə olan halda, PAŞA Bank faizini yüksək saxlaya bilməz, artıq 12% səviyyəsinədək endirmişik. Gələcəkdə Mərkəzi Bankın uçot dərəcəsində və dövlət istiqrazlarının faizində baş verən dəyişikliklər PAŞA Bankın da faiz dərəcələrinə təsir edəcəkdir”.

Baş maliyyə inzibatçısı əlavə edib ki, biznes kreditində faizin aşağı düşməsi bank sektorundakı izafi likvidlik ilə də əlaqədardır:

“Bank olaraq bizim marağımızda deyil ki, vəsaiti cəlb edək və nağd vəsait olaraq saxlayaq. Vəsaiti iqtisadiyyata yönəltmək bizim marağımızdadır. Kommersiya təşkilatı olaraq həm biz gəlir əldə edərik, həm də şirkətlər inkişaf edər. İzafi likvidlikdən, rəqabət mühitindən və Mərkəzi Bankın uçot dərəcəsindən asılı olaraq faiz dərəcələrimizi dəyişə bilərik. İndiki gedişat onu göstərir ki, kredit faizləri daha da aşağı düşə bilər”.

Həmçinin oxu

Aqrar sektorun çətinlikləri problemli kreditlərin artmasına səbəb olub

13.10.2021 16:42

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az