"Unibank" ASC, bütün bank xidmətlərini və məhsullarını özündə birləşdirən mobil bankçılıq xidmətini - Leobank-ı istifadəyə verib.

Marja Bankın yaydığı məlumata istinadən xəbər verir ki, artıq Leobank layihəsi çərçivəsində 1000-ə yaxın şəxs kart əldə edib və ondan istifadə etməyə başlayıblar.

"Birinci xəbərimiz - ilk dəvətləri artıq göndərməyə başlamışıq. Bu günə qədər 1000 şəxsə dəvət göndərilmişdir. Bu şəxslər artıq kartı əldə edib və ondan istifadə etməyə başlayıblar. 

İkinci xəbərimiz - dəvətləri göndərməyə davam edirik və qısa bir zamanda Siz də bir dəvət alaraq kart sifariş etmək imkanı əldə edəcəksiniz", - Unibankın məlumatında bildirilir.

Qeyd edək ki, Leobank-ın bazara çıxarılmasında məqsəd yeni bir müştəri seqmentini cəlb etmək, eyni zamanda Azərbaycanda nağdsız ödənişlərin daha da inkişafına təkan verməkdir.

Leobank üçün xüsusi olaraq yaradılmış mobil tətbiqdə geniş bank xidmətləri təqdim olunub: pulsuz köçürmələr, rahat kommunal ödənişlər, kart ödənişlərinə görə “cashback” qazanmaq imkanı, maliyyə əməliyyatlarınıza daimi nəzarət. Xüsusi təlim keçmiş peşəkar dəstək əməkdaşları isə istənilən müştəri suallarına qeyd olunan kanallardan (WhatsApp, Facebook Messenger, Telegram), ya da telefonla cavab təqdim edəcəklər.

Leobank Unibank-ın təqdim etdiyi yeni mobil bankçılıq xidmətidir. Leo müştəriləri kredit limiti olan əlverişli Visa kartından istifadə etmək, ödəmə və köçürmələri həyata keçirmək, Cashback almaq və daha çox üstünlüklərdən yararlanmaq imkanına malikdirlər.

Leobank “mobile-only” (filialsız bank) prinsipinə uyğun olaraq yaradılmışdır. Filial şəbəkəsi, çoxsaylı işçilərin maaşları, inkasassiya və digər sahələrə vəsait yatırmağın əvəzinə biz kapital və enerjimizi mükəmməl mobil tətbiqetməmizə investisiya etdik.

Leobank müştərilərinə olduqca əlverişli tarifləri təklif edir. Bankların adətən müştərilərə pulla göstərdiyi, demək olar ki, bütün xidmətləri Leo pulsuz təqdim edir. Bunun səbəbi nədir? Biz filiallara pul xərcləmirik və buna qadirik!

Leo kartını rəsmiləşdirmək üçün sadəcə mobil tətbiqimizi yükləyib, çətin olmayan prosedurdan keçmək kifayətdir. Kartı sizə bank işçisi çatdıracaq və ya özünüz onu Unibank filialından əldə edə bilərsiniz.

Ətraflı buradan tanış ola bilərsiniz.