ABŞ neft məhsullarının bahalaşmasına qarşı bütün mümkün tədbirləri görmək niyyətindədir

ABŞ neft məhsullarının bahalaşmasına qarşı bütün mümkün tədbirləri görmək niyyətindədir

ABŞ neft məhsullarının bahalaşmasına qarşı bütün mümkün tədbirləri görmək niyyətindədir

ABŞ hakimiyyəti Amerika istehlakçıları üçün neft məhsullarının qiymət artımının qarşısını almaq üçün mümkün olan bütün addımları atmaq niyyətindədir.

Marja xəbər verir ki, bunu bazar ertəsi Ağ Evin mətbuat katibi Jen Psaki keçirdiyi brifinqdə bildirib.

"OPEC üzvü olmamağımıza baxmayaraq, Amerikada benzinin qiymətini qalxmaması üçün əlimizdəki bütün vasitələrdən istifadə etməyə davam edəcəyik", - o, deyib.

Psaki, ABŞ-ın, OPEC ölkələri arasındakı beynəlxalq tərəfdaşları ilə də qarşılıqlı əlaqədə olduğunu qeyd edib.

"Bir neçə ay əvvəl etdiyimiz kimi, kompromisli bir həll çağırışımızı yeniləyirik", - Ağ Evin sözçüsü deyib.

Xəbər verdiyimiz kimi, OPEC + ölkələrinin nazirləri oktyabrın 4-də keçirilən iclasda neft hasilatını noyabr ayında da 400 min barel artırmağa davam etmək qərarına gəliblər. Beləliklə, oktyabr ayında OPEC + ölkələri neft hasilatını sutkada 4,559 milyon barel, noyabrda isə 4,159 milyon barel azaldacaq.

OPEC + sazişinə daxil olan ölkələr keçən il görünməmiş həcmdə azaldılmış neft hasilatını bu ilin may ayından bərpa edir. Avqust ayından etibarən, plan bazara ayda 400 min barel neft qaytarılmasını təmin edir. OPEC +da təmsil olunan neft ixracatçıları ötən ilin mayında hasilatı 9,7 milyon barel / gün azaltmışdılar. Bu həcm bərpa sayəsində 2021-ci ilin noyabrında 4,159 milyon barel / gün təşkil edəcəkdir. Plan müttəfiq ölkələrin nazirləri tərəfindən hər ayın əvvəlində müzakirə olunur.

Qeyd edək ki, Brent neftinin qiyməti 81 dolları da keçib. Bakı vaxtı ilə saat 09:00-da Brent nefti 81,51 dollardan, ABŞ xam nefti isə 77,76 dollardan ticarət olunub. OPEC+un qərarından sonra neft qiymətləri 3% yüksəlib.

05.10.2021 09:29