Çip böhranı gələn il boyu da davam edəcək - İSTEHSALÇIDAN BƏDBİN PROQNOZ

Çip böhranı gələn il boyu da davam edəcək - İSTEHSALÇIDAN BƏDBİN PROQNOZ

300 milyon kompüter satlıb, tələbat isə durmadan artır....

Çip böhranı gələn il boyu da davam edəcək - İSTEHSALÇIDAN BƏDBİN PROQNOZ

Yarımkeçirici çiplərin təchizatındakı ləngimələr 2022-ci il boyunca da davam edəcək, hətta növbəti illərə keçməsi də mümkündür.

Marja xəbər verir ki, bu barədə ABŞ-ın çip istehsalçılarından olan Marvell Technology şirkətinin açıqlamasında bildirilib.

VTB-də minimal faiz dərəcəsi ilə nağd kredit 9.9%-dən

“Hazırda yarımkeçiricilərlə bağlı olan hər bir son bazarda tələbat həddən artıq yüksəkdir. 27 il bu sektorda çalışan biri olaraq, indiyə qədər belə hal görməmişəm.” - şirkətin direktoru Matt Mörfi bildirib. O, həmçinin “tələbatın belə davam etdiyi halda, çip çatışmazlığının 2022-ci il ərzində təzyiq yaradacağını və növbəti illərə keçəcəyini” də istisna etməyib.

Mörfinin açıqlaması çip istehsaçıları arasında məsələ ilə bağlı ən son proqnozdur. Digərləri nisbətən optimist düşünür. Ötən həftə iri amerikan çip istehsalçısı AMD-nin baş direktoru Liza Su 2022-ci ilin ikinci yarısından etibarən yeni istehsal güclərinin işə düşəcəyini, tələbatın daha yaxşı ödəniləcəyini bildirmişdi.

AMD-nin əsas rəqiblərindən olan Intel hələ mart ayında ABŞ-da yarımkeçirici elementlər istehsalında əsas mərkəz olan Arizonada 2 yeni zavod üçün 20 milyard dollar investisiya yatıracağını bildirib. Çip istehsalında qlobla lider olan Tayvanın TSMC də Arizonada yeni zavod üçün 12 milyard dollar sərf edəcəyini, ümumilikdə növbəti 3 il ərzində çip istehsalına 100 milyard dollar yatıracağını elan edib.

Yarımkeçirici çiplərin ən çox istifadə olunduğu sahələrdən biri olan fərdi kompüter tələbatı sürətlə artır. Bazar araşdırma şirkəti IDC-nin məlumatına görə 2019-cu ildə lobal miqyasda 268 milyon ədəd, 2020-ci ildə isə 300 milyon ədəd fərdi kompüter satılıb. Növbəti illərdə tələbatın 400 milyon ədədə çatması gözlənilir. Bu isə əlavə çip ehtiyacı və bazara əlavə təzyiq deməkdir...