Neft İxrac edən Ölkələr Birliyinin (OPEC) bu gün dərc etdiyi World Oil Outlook (WOO) hesabatına əsasən, qlobal avtomobil parkı 2045-ci ilə qədər təxminən iki dəfə artaraq 2,6 milyard ədədə çatacaq. Eyni amanda, elektrikli nəqliyyat vasitələrinin (elktromobillərin) parkda payı (xüsusi çəkisi) 20%-ə qədər artacaq. Elektrikli avtomobillərin sayı 2045-ci ilə qədər 500 milyon ədədə çatacaq.

OPEC mütəxəssisləri yazır: "Neftə olan tələbatın uzunmüddətli artımı, elektrikli avtomobillərin getdikcə artması ilə məhdudlaşacaq".

OPEC hesab edir ki, nəqliyyat seqmentində neftə olan tələbat 2045-ci ilə qədər gündə 46-46,5 milyon barellik dəhlizdə sabit qalacaq.

Eyni zamanda, daxili yanma mühərriki olan avtomobillər böyük bir paya sahib olmağa davam edəcək - 76%, bu da əsasən inkişaf etməkdə olan ölkələrin tələbatı ilə təmin ediləcəkdir.

Hesabatda qeyd olunur ki, elektrik mühərriklərinə keçid ötən ilin hesabatında proqnozlaşdırıldığından daha sürətli gedir. Həmçinin, pandemiyanın səbəb olduğu böhranın elektrikli avtomobil bazarına çox da təsir etmədiyi qeyd edilib.

Elektrikli avtomobillərə kütləvi keçid alternativ enerji mənbələri hesabına enerji istehlakının artmasına səbəb olacaq. "Bu, enerji balansında neftin payına təsir edəcək", - hesabatda deyilir. 

Eyni zamanda, OPEC ekspertləri əlavə edirlər ki, bu tendensiya təkcə nəqliyyat sektoruna deyil, həm də sənayeyə, mənzil -kommunal xidmətlərə təsir edəcək.

2035-DƏN NEFTƏ TƏLABATIN ARTMASI DAYANACAQ VƏ SABİTLƏŞƏCƏK

Hesabatda qeyd edilib ki, qarşıdakı beş il ərzində neftə olan tələbat bərpa olunacaq və gündəlik 104,4 milyon barrelə çatacaq. 2026 -cı ildən sonra isə inkişaf etmiş ölkələr hesabına neft istehlakı yavaşlamağa başlayacaq. 2035-ci ildən sonra təlabatın artması dayancaq və sabitləşəcək. 

Ümumiyyətlə, 2045 -ci ilə qədər olan dövrdə neftə olan tələbat 2020 -ci ildəki bazar ilə müqayisədə 17,6 milyon barel artacaq - 90,6 milyon bareldən 108,2 milyon barelə yüksələcəkdir.

OPEC -in proqnozuna görə, 2019-2026-cı illərdə neftə tələbat gündəlik 13,8 milyon barel artacaq. Eyni zamanda, bu artımın böyük hissəsi (80%-i) 2021-2023-cü illərdə, dünya uzun müddət kilidləndikdən açıldıqdan sonra istehlakın artması ilə baş verəcək.