Maliyyə Nazirliyindən Azərbaycanın BVF-dəkı hesabının artması ilə bağlı açıqlama

Maliyyə Nazirliyindən Azərbaycanın BVF-dəkı hesabının artması ilə bağlı açıqlama

Maliyyə Nazirliyindən Azərbaycanın BVF-dəkı hesabının artması ilə bağlı açıqlama

Beynəlxalq Valyuta Fondunun (IMF, BVF) Rəhbərlər Şurası cari ilin avqust ayının 2-də Fonda üzv ölkələr arasında əlavə 456,5 mlrd həcmində Xüsusi Borclanma Hüquqlarının (XBH) yerləşdirilməsi barədə qərar qəbul edib.

Maliyyə Nazirliyindən verilən məlumata görə, qərarın qəbul edilməsi dünya ölkələrinin üzləşdiyi COVID-19 böhranı və bir çoxunun maliyyə durumunun kəskin pisləşməsi, ilk növbədə valyuta ehtiyatlarının tükənməsi ilə əlaqədardır.

Xüsusi Borclanma Hüquqları Fondun üzv ölkələri arasında onların Fonddakı kvotalarına, yəni iştirak paylarına mütənasib şəkildə yerləşdirilir.

Azərbaycanın IMF-dəki 0,082 % və ya 391,7 milyon XBH həcmindəki kvotası son qərarın qəbulu nəticəsində 96 %-ə yaxın artırılaraq 767,1 milyon XBH-na çatdırılıb.

Xüsusi Borclanma Hüquqları IMF tərəfindən yaradılmış beynəlxalq ehtiyat aktividir və üzv ölkələrin beynəlxalq aktivlərinin artırılması üçün nəzərdə tutulur və istənilən ölkə XBH-nı xarici valyutaya dəyişə bilər.

XBH-larının dəyəri 5 aparıcı dünya valyutasının – ABŞ dolları (41,8), Avro (30,9), Çin yuanı (10,9), Yapon yeni (8,3), və İngiltərə funt sterlinqinin (8,1) faizləri əsasında müəyyən edilir.

Tükənmiş valyuta ehtiyatlarının artırılmasına ehtiyacı olan hər bir üzv ölkə kvota üzrə Xüsusi Borclanma Hüquqlarını xarici valyutaya dəyişərək ölkəsinin mərkəzi bankının ehtiyatlarını artıra bilər.

IMF-in Rəhbərlər Şurasının 650 milyard (456 milyard XBH) ABŞ dolları ekvalentində olan XBH-larının yerləşdirilməsi barədə qərarı cari ilin 23 avqust tarixində qüvvəyə minib və elə həmin gün də Azərbaycan Respublikasının IMF-dəkı hesabına 375,4 milyon XBH-ları həcmində vəsait daxil olub.

Telegramda Marja.az səhifəsinə abunə olun

Report

25.08.2021 12:22

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az