Avropa Mərkəzi Bankı daha 620 milyard avro çap edəcək

Avropa Mərkəzi Bankı daha 620 milyard avro çap edəcək

Avropa Mərkəzi Bankı daha 620 milyard avro çap edəcək

ABŞ Mərkəzi Bankı (Fed) bazarları ucuz pulla təmin etmək proqramlarından çıxmağı müzakirə etməyə başlayarkən, Avropa Mərkəzi Bankı (ECB, AMB) dayanmağı düşünmür.

"ECB, keçmişdəki səhvlərdən dərs alıb və stimulu vaxtından əvvəl dayandırmayacaq", - AMB sədri Christine Lagarde (Kristin Laqard), cümə axşamı günü mətbuat konfransında bildirib.

Marja xəbər verir ki, Laqard, “Avro bölgəsi iqtisadiyyatı bərpa yoluna qayıdıb. Daha çox insan peyvənd olunur və əksər ölkələrdə məhdudiyyətlər yumşaldılıb. Eyni zamanda, pandemiya, xüsusilə də qeyri-müəyyənlik mənbəyi yaradan delta variantının yayılması ilə təhlükə yaratmağa davam edir” deyib.

Laqard, ECB-nin, ən azı 2022-ci ilin Mart ayının sonuna qədər 1,85 trilyon avroluq Pandemiya Təcili Satınalma Proqramını (PEPP) davam etdirəcəyini söyləyib.

22 iyul tarixindək tənzimləyici bu məbləğdən 1,23 trilyon avro istifadə edib və sistemə daha 620 milyard inyeksiya edə bilər.

Laqarda görə, inflyasiyanın sürətlənməsi "müvəqqəti" xarakter daşıyır və artan neft qiymətləri ilə əlaqələndirilir. Eyni zamanda, ECB inflyasiya siyasətini yenidən nəzərdən keçirib və qiymətlərin 2% hədəfinin üzərinə yüksəlməsinə icazə verib.

ECB 2022-ci ilin martından sonra da qiymətli kağız almağa davam edə bilər (pul emissiyası) və faizlərin artırılması, ehtimal ki, bu tarixə qədər təxirə salınacaq.

İqtisadçılar bildirirlər ki, pul emissiyasının davam etməsi Avro bölgəsi ölkələrinin büdcələrini dəstəkləyəcək, lakin ilin əvvəlindən bəri artıq 4% enən Avropa valyutasının məzənnəsinə təzyiq göstərə bilər.

2020-ci ilin əvvəlindən bəri, ECB-nin balansı dövlət və korporativ istiqrazların alınması yolu ilə 3.35 trilyon avro artıb və 7,95 trilyon avroya açtıb. Bu, 10 il əvvələ nisbətən 4 dəfə çoxdur.

ECB əsas faizi 0- 0,25% civarındadır. Depozit faizi isə mənfi 0,5%-dir.

23.07.2021 10:44

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az