Qərb ölkələri tərəfindən Rusiyada milli təhlükəsizliyə təhlükə yaradan iqtisadi böhrana səbəb olan cəhdlər var.

Marja TASS-a istinadən xəbər verir ki, bu barədə bazar ertəsi Rusiya Federasiyası Təhlükəsizlik Şurası Katibinin köməkçisi Aleksander Abelin məlumat verib.

Onun sözlərinə görə, bu cəhdlərin qarşısını almağa yönəlmiş tədbirlərin hazırlanması "xüsusi diqqət tələb edir".

Abelin, iqtisadi suverenliyin gücləndirilməsinə və Rusiyanın milli maraqlarına zərər verə biləcək təhdidlərə qarşı iqtisadi təhlükəsizliyin təmin edilməsinin ölkənin ən vacib strateji milli prioriteti olduğunu vurğulayıb.

Eyni zamanda, əlavə edib ki, son illərdə Rusiya iqtisadiyyatı qlobal qeyri-sabitlik və sanksiyaların tətbiqi şəraitində potensialını qorumaq və gücləndirmək qabiliyyətini təsdiqləyib.

Rusiya iqtisadiyyatı yüksək texnoloji məhsulların idxalından və xammallın - ilk növbədə karbohidrogenlərin dünya bazarlarındakı qiymətlərindən kritik dərəcədə asılıdır; eyni zamanda dünyada yüksək texnoloji inkişaf templəri və artan rəqabət "iqtisadi təhlükəsizlik və iqtisadi suverenliyin itirilməsi təhdidlərinə çevrilə bilən bir çətinlik yaradır.

Təhlükəsizlik Şurası tərəfindən hazırlanmış və Prezident Vladimir Putinin fərmanı ilə təsdiqlənmiş yenilənmiş milli təhlükəsizlik strategiyasına görə, səlahiyyətlilər ölkənin üzləşdiyi iqtisadi problemləri "daxili potensiala güvənərək" və ortaya çıxan "müstəqil həll yolu ilə" həll etmək niyyətindədirlər. 

Sənədin yeni variantında "xarici investisiyaların cəlb edilməsi” maddəsi çıxarılıb. Eyni zamanda, strateji sektorlarda xarici investorlar üzərində "nəzarəti gücləndirmək", "dolların istifadəsini azaltmaq" və "texnoloji, avadanlıq və komponentlərin idxalından kritik asılılığı aradan qaldırmaq" zərurəti vurğulanır.

Rusiyanın, qlobal rəqəmsal iqtisadiyyatın sürətli inkişafı şəraitində müasir çağırışlara cavab verən texnoloji inkişaflara və rəqabətçi üstünlüklərə sahib olması vacibdir.