Ziraat Bank Azərbaycan-ın rəhbərliyinə yeni təyinatlar - SƏDRİ DƏ DƏYİŞDİ

Ziraat Bank Azərbaycan-ın Müşahidə Şurası və İdarə Heyətində yeni təyinatlar baş tutub.
Bankdan Marja-ya daxil olmuş məlumata görə, Müşahidə Şurasının sədri Dr. İlker Met, İdarə Heyətinin Sədri isə Dr. Selçuk Demir təyin edilib.
Qeyd edək ki, 2015-ci ildən bu günə qədər “Ziraat Bank Azərbaycan” ASC-nin İdarə Heyətinin Sədri vəzifəsini Avni Demirci icra edib.
Ziraat Bank Azərbaycanda təşkil edilən tədbirdə, Avni Demirci Dr. Selçuk Demir vəzifə səlahiyyətlərini ötürəcəyini elan edib. Tədbirdə Avni Demirci Ziraat Bank Azərbaycanın uğurları və nailiyyətləri haqqında danışıb. 2015-ci ildə, çox qısa bir müddət ərzində, bankın qurulmasını tam yekunlaşdırmaqla, Azərbaycan bank sektorunda mühüm yerə sahib çıxaraq, Ziraat-a məxsus, xüsusi kredit anlayışını gətirdiklərini və bankın müştəri yönümlü bir çox yeni addımlar atmağa nail olduğunu qeyd edib. Bankın tarixindən danışarkən Avni Demirci bildirib: “Ziraat Bank Azərbaycanın yarandığı gündən qurucu İdarə Heyətinin Sədri vəzifəsini icra etdiyim və indi də çox dəyərli bir həmkarıma vəzifəmi təhvil verdiyim üçün xoşbəxtəm. Vəzifəmi çox böyük fəxr hissi ilə Selçuk bəyə təhvil verirəm, və ona bol-bol uğurlar və daha da böyük nailiyyətlər arzulayıram. Əminəm ki, Selçuk bəyin rəhbərliyi altında bank yeni, daha da uğurlu mərhələyə çıxacaq.”
Qeyd edək ki, Avni Demirci artıq 1992-ci ildən etibarən Ziraat Bank-da çalışır, bundan öncə Ziraat Bank Özbəkistan, Ziraat Bank Türkmənistan və Ziraat Bank Moskva-nın İdarə Heyətinin sədri vəzifələrini icra etmişdir. 2015-ci ildən etibarən Ziraat Bank Azərbaycanın İdarə Heyətinin sədri vəzifəsində çalışmışdır.
Tədbirdə Dr. Selçuk Demir, öz növbəsində Ziraat Bank Azərbaycanın Avni bəyin rəhbərliyi altında, qısa bir müddət ərzində əldə etdiyi uğurlardan danışaraq, bu illər ərzində göstərdiyi fəaliyyətə və arzularına görə təşəkkürünü bildirib.
Qeyd edək ki, Dr.Selçuk Demir bank sahəsində zəngin təcrübə və yüksək işgüzar nüfuza malikdir. Anadolu Universitetinin Biznesin İdarəedilməsi, İstanbul Ticarət Universitetinin Beynəlxalq Bankçılıq və İstanbul Universitetinin İqtisadiyyat bölmələrinin məzunudur. İqtisad üzrə fəlsəfə doktorudur. Ziraat Bank komandasına 2001-ci ildə qoşulmuşdur. Fərqli illərdə Ziraat Bank-ın müxtəlif filiallarının müdiri, qrup rəhbəri, bölgə koordinatoru vəzifələrində çalışmışdır. Son olaraq Ziraat Bank İstanbul-1 Bölgə Müdiri vəzifəsində fəaliyyət göstərmişdir.
Ziraat Bank Səhmdarlarının Ümumi Yığıncağının qərarına əsasən Ziraat Bank Azərbaycanın Müşahidə şurasında da dəyişikliklər baş vermişdir. Belə ki, Müşahidə Şurasının sədri Bilgehan Kuru öz vəzifələrini Dr.İlker Metə təhvil vermiş, Tahir Demirkıran və Zaffer Aydını isə Altan Güler və Kemalettin Bayat əvəz etmişlər. Qeyd edək ki, Dr. İlker Met həmçinin İnsan Resursları üzrə Ziraat Bank-ın Qrup Rəhbəridir. Müşahidə Şurasını təmsil edən hər üç şəxs uzun müddətdir ki, Ziraat Bank-da çalışır və bank sahəsində zəngin təcrübəyə malikdirlər.
Bankdan təqdim edilən məlumata əsasən, qeyd edilən dəyişikliklər bankdaxili yeni rotasiyalar ilə bağlıdır.
“Ziraat Bank Azərbaycan” ASC Türkiyənin 157 illik tarixə malik Ziraat Maliyyə Qrupuna daxildir. Bank Azərbaycan Respublikasının Mərkəzi Bankı tərəfindən verilən 30.12.2014-cü il tarixli 255 nömrəli lisenziya əsasında fəaliyyət göstərməkdədir. Korporativ və pərakəndə bankçılıq sahəsində məhsul və xidmətlər təklif edən “Ziraat Bank Azərbaycan” ASC-nin ölkə ərazisində Bakı, Gəncə və Sumqayıt şəhərlərində ümumi 6 filialı mövcuddur.
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri
SON XƏBƏRLƏR
- 1 ay sonra
- 10 saat əvvəl
- 18 saat əvvəl
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az - 18 saat əvvəl
-
1 gün əvvəl
Bir neçə şirkət İPO ilə bağlı Bakı Fond Birjasına müraciət edib
-
1 gün əvvəl
9 avtobus marşrutu üzrə müsabiqələrin qalibləri müəyyən edilib - ADLARI AÇIQLANIB
-
1 gün əvvəl
Tezliklə ChatGPT internetdə alış-veriş edə və “PowerPoint” təqdimatları yarada biləcək
-
1 gün əvvəl
PashaPay və ASAN xidmət media nümayəndələri üçün süni zəka təlimi keçirib
- 1 gün əvvəl
-
1 gün əvvəl
“Rabitəbank” və Dövlət Məşğulluq Agentliyi arasında memorandum imzalanıb
- 1 gün əvvəl
- 1 gün əvvəl
Son Xəbərlər

"İrşad" Sea Breeze-də mağaza açdı - FOTOLAR

Sabahın hava pronozu açıqlanıb

Bir neçə şirkət İPO ilə bağlı Bakı Fond Birjasına müraciət edib

Dolların bazar ertəsi üçün rəsmi məzənnəsi müəyyən olunub

“TBC Kredit BOKT”ın lisenziyası könüllü əsasla ləğv edilib

“Sea Breeze”ə yeni marşrut fəaliyyətə başlayır

Dövlət 3 bankda 500 milyon manat depozit yerləşdirdi

"Coca-Cola Azərbaycan" UNEC ilə memorandum imzalayıb

"Modenis" şirkətindən “eManat”ın fəaliyyətilə bağlı açıqlama

Milyonçu Fərhad Əhmədovdan gəmisinin həbsdən azad olunması üçün 6 milyon dollar rüşvət istənilib - MƏHKƏMƏ

8,5 milyon manata tikilmiş Xocalı kərpic zavodunun açılışı olub
