Mayın 15-də açılışı olmuş Bakı-Qəbələ dəmir yolu xətti üçün gediş haqqının məbləği koronavirus (COVID-19) pandemiyası başa çatanda və qatarla sərnişin daşımalarına başlanılanda məlum olacaq.

Bunu “Azərbaycan Dəmir Yolları” QSC-nin (ADY) mətbuat katibi Natəvan Bayramova bildirib.

“Bildiyiniz ki, qatar pandemiya ilə əlaqədar hələlik sərnişinlərin istifadəsinə verilməyib. Çünki ölkədə regional və beynəlxalq sərnişindaşıma dayandırılıb. Odur ki, Bakı-Qəbələ qatarı üçün gediş haqqı hələ müəyyən edilməyib. Pandemiya bitəndən sonra bu barədə həm internet səhifəmizdə, həm də sosial şəbəkələrdə ictimaiyyətə məlumat verəcəyik", - o deyib.

Qeyd edək ki, Mayın 15-də açılışı olmuş Qəbələ Dəmir Yolu xəttinin tikintisinə 2018-ci ildə başlanılıb.

Onun uzunluğu ox üzrə 42,3 km, yan yollarla birlikdə isə 44,5 km-dir. Xətt çətin dağlıq relyefdə layihələndirildiyinə görə torpaq yatağı yüksək qazma (90m) və tökmələrdən (12m) keçir. Ümumilikdə layihə üzrə 122 ədəd (o cümlədən 7 körpü, 1 yolötürücü, 6 avtomobil alt keçidi, 2 heyvan keçidi və 106 suötürücü boru) suni mühəndisi qurğunun, Ağdaş dəmiryolu dayanacağı, Qəbələ dəmiryolu stansiyası, Qəbələ dartı yarımstansiyasının tikintisi və Hacıalı yarımstansiyasının təmiri işləri aparılıb.

Bakıdan Qəbələyə qədər dəmir yolu xətti 311 km, qatarın yolda olma müddəti 3 saat 20 dəqiqə təşkil edir. Burada İsveçrənin “Stadler Rail Group” şirkətinin istesalı olan dördvaqonlu ikimərtəbəli sürətli qatarından istifadə olunacaq. Qatar standart, biznes və birinci klass vaqonlardan ibarətdir. Vaqonlardakı yerlərin ümumi sayı 363-dür, bunlardan 293-ü standart, 61-i biness, 9-u isə birinci klass yerlərdir.

Yağış sularının kənarlaşdırılması və torpaq yatağının dayanıqlığını təmin etmək məqsədi ilə 16855 paqon metr beton qanov, 430 paqon metr drenaj xətti və 277 paqon metr olan istinad divarının tikintisi tamamlanıb. Dəmir yoluna paralel olaraq layihə üzrə 10kV-luq sərbəst yan qidalandırıcı elektirik verilişi xətti və kontakt şəbəkə quraşdırılıb. Həmçinin rabitə və işarəvermə işləri istismara hazır vəziyyətə gətirilib. Sürətli qatarın təhlükəsizliyini təmin etmək üçün dəmir yolunun təhkim zolağı boyunca 84 600 paqon metr metal hasar quraşdırılıb. Dəmir yolu istismara hazır vəziyyətdədir. Maksimum sürət saatda 135 km təşkil edir.

1500 MANAT KREDİT 49 MANAT ÖDƏNİŞLƏ!

Report