23 iyun 2021-ci il  tarixində “Azərbaycan Beynəlxalq Bankı” ASC səhmdarlarının növbəti ümumi yığıncağı keçiriləcəkdir.

Marja Bankın İdarə Heyətinə istinadən xəbər verir ki, “Azərbaycan Beynəlxalq Bankı” ASC-nin nizamnaməsinin 8.10-cu maddəsinə uyğun olaraq koronavirus (Covid -19) infeksiyasının yaratdığı pandemiya şəraitində səhmdarların sağlamlığının qorunması məqsədilə səsvermənin qiyabi şəkildə həyata keçirilməsi nəzərdə tutulmuşdur.

Ümumi yığıncağın gündəliyi:

1. “Azərbaycan Beynəlxalq Bankı” ASC-nin kənar auditor tərəfindən təsdiqlənmiş və audit komitəsi tərəfindən tövsiyə olunmuş 2020-ci ilin maliyyə hesabatının təsdiq edilməsi haqqında.

2. 2020-ci ilin maliyyə nəticələrinə əsasən dividendin ödənilməsi haqqında.

3. 2021-2023-cü illərin maliyyə nəticələrinə görə “Azərbaycan Beynəlxalq Bankı” ASC-nin əməkdaşlarının mükafatlandırılması haqqında.

4. İbrahimov Abbas Məmmədəli oğlunun növbəti 3 il müddətinə yenidən “Azərbaycan Beynəlxalq Bankı” ASC-nin idarə heyətinin sədri təyin olunması haqqında.

Ümumi yığıncağın gündəliyindəki məsələ üzrə materiallar 2021-ci il iyunun 10-dək bankın rəsmi internet səhifəsində yerləşdiriləcəkdir.

Azərbaycan Respublikası Mülki Məcəlləsinin 107-3.2-ci maddəsini və “Azərbaycan Beynəlxalq Bankı” ASC səhmdarlarının ümu­mi yığıncağı haqqında əsasnamə”nin 8.10-cu bəndini nəzərə alaraq bildirilir ki, ümumi yığıncağın gündəliyində olan məsələlərə münasibəti dəqiq və şərtsiz bildirmək (lehinə, əleyhinə və bitərəf) və imzanı qanunvericilikdə müəyyənləşdirilmiş qaydada (notarial və s.) təsdiqləmək, habelə şəxsiyyət vəsiqəsinn surətini təqdim etmək şərtilə bildirişə əlavə olunan bülleten formasını dolduraraq qapalı zərfdə Bakı şəhəri, Nizami küçəsi 67 nömrəli ünvana 2021-ci il iyunun 22-dək göndərməklə səsvermədə qiyabi iştirak etmək olar.

Səhmdarların nəzərinə çatdırılır ki , yuxarıda qeyd olunan qaydada təqdim edilmiş zərflərin açılışı ümumi yığıncağın keçirildiyi gün bankın korporativ katibi tərəfindən həyata keçiriləcəkdir.