Xəbər verdiyimiz kimi, 16 Yanvar 2020-ci il tarixində Prezident İlham Əliyev “Azərlotereya” Açıq Səhmdar Cəmiyyətinin idarəetməyə verilməsi ilə əlaqədar bəzi məsələlərin tənzimlənməsi haqqında” Sərəncam imzalayıb. Sərəncama əsasən, “Azərlotereya” ASC Türkiyə Respublikasının “Demirören Şans Oyunları Yatırımları A.Ş.” şirkətinin törəmə cəmiyyəti olan “YMT Sans B.V.” şirkətinə müqavilə əsasında idarəetməyə verilib.

Marja xəbər verir ki, Türkiyənin ilk sabit ehtimallı idman təxmin oyunu "İddaa",idman növlərini (futbol, basketbol, voleybol, həndbol v.s.) sabit ehtimallı təxmin oyunu ilə daha da əyləncəli edən “Misli.com” və əyləncəli şans oyunları təqdim edən "Sisal Şans" Türkiyənin “Demirören Holding”ə bağlı “Demirören Şans Oyunları Yatırımları A.Ş.” şirkətinin törəməsi olan "Sisal Şans" şirkəti tərəfindən təqdim edilir.

10 İL İTALYANLAR İLƏ İDARƏ EDƏCƏKLƏR

1939-cu ildən fəaliyyət göstərən Türkiyə Milli Lotereya İdarəsi 1 avqust 2020-ci ildən etibarən Türkiyədəki şans oyunlarını idarə etmək səlahiyyətini 10 il müddətinə "Sisal Şans" şirkətinə verilmişdir. Qardaş ölkədə məşhur "Milli Piyango" lotoreyaları  "Sisal Şans" tərəfindən keçirilir. Xüsusilə il sonu "Milli Piyango" Türkiyədə daha məşhurdur.

“Milli Piyango” layihəsinə “Milli Piyango”, “Sayısal Loto”, “Süper Loto”, “On Numara”, “Şans Topu” və “Kazı Kazan” oyunları daxildir. Bütün bu oyunlar “Demirören”in ortaq olduğu “Sisal Şans İnteraktif Hizmetler ve Şans Oyunları Yatırımları” şirkəti ("Sisal Şans") tərəfindən keçirilir. “Sisal Şans” Türkiyəni “Şans Dijital ve İnteraktif Hizmetler Teknoloji Yatırım A.Ş.” şirkəti və İtaliyanın “Sisal S.p.A” şirkətilə ortaq qurulub.

Qeyd edək ki,  “Azərlotereya”nı idarəetməyə götürən “YMT Sans B.V.” qapalı şirkəti 2020-ci ildə Niderlandda qeydiyyata alınıb. Bu şirkətin  “Demirören Şans Oyunları Yatırımları A.Ş.” şirkətinin törəmə cəmiyyəti olduğu məlumatı verilib. 

Həmçinin oxu

“Azərlotereya”nın idarəetməsi Türkiyə şirkətinə verilir - SƏRƏNCAM