Bolmart marketlər şəbəkəsinin 21-ci filialı Şuşa şəhərində fəaliyyətə başalyıb.

Bu barədə Şirkətin yaydığı məlumatda bildirilir

Məlumatda deyilir:

"Şuşa- Azərbaycan xalqı üçün milli qürur və ləyaqət nümunəsi, mədəniyyətimizin beşiyi, doğma torpağımızın hər bir diyarı kimi müqəddəs məkan, itirilməsi həzm edilməyəcək vətən parçası və bütöv Azərbaycan xəyalımızın ilk addımıdır!

Qarabağın “Kiçik Parisi” adlandırılan Şuşa şəhəri 8 Noyabr 2020-ci il tarixində cənab prezident, Ali baş komandan İlham Əliyevin başçılığı və şanlı ordumuzun qətiyyətli mübarizəsi ilə düşmən tapdağından azad edildi! Qarabağda o cümlədən Şuşada sosial iqtisadi həyatın yenidən bərpa olunması istiqamətində bir çox addımlar atılır və quruculuq işləri həyata keçirilir.

Şuşada ilk çörək və şirniyyat mağazası “Azcake” MMC-nin açılışından sonra Bakı şəhərində və bölgələrdə fəaliyyət göstərən Bolmart supermarketlər şəbəkəsinin  Şuşa şəhərində ilk filialı açıldı. Hər iki müəssisənin açılmasına dövlət dəstəyi İqtisadiyyat Nazirliyinin tabeliyində Kiçik və Orta Biznesin İnkişafı Agentliyi (KOBİA) tərəfindən yerinə yetirilmişdir. Şuşada Bolmart marketin filialının açılmasının birbaşa təşəbbüskarları son 10 ildə pərakəndə sektoruna yeniliklər gətirən və bu sahəni inkişaf etdirən, o cümlədən ölkə sərhədlərini aşan ilk supermarket layihəsinin də rəhbərliyini həyata keçirən Turan Özbahceci və Eşqin İsmailli olmuşdur. Şuşada fəaliyyətə başlamış Bolmart şəbəkənin sayca 21-ci filialıdır. 

Yalnız Şuşada deyil, Qarabağın digər rayonlarında o cümlədən Hadrutda da Bolmartın növbəti filialının açılışı planlaşdırılır. “Süfrəniz bol olsun” sloqanı ilə fəaliyyətə göstərən Bolmart marketlər şəbəkəsinin əsas məqsədi Azərbaycanın, eləcədə  Qarabağın hər bir nöqtəsində Azərbaycan Respublikasının vətəndaşlarının yüksək xidmət və üstün keyfiyyətlə qeydinə qalmaqdır.

Unutmayaq ki, Şuşa bizim ruhumuzun şəhəridir, Onun azad edilməsi ilə Azərbaycan xalqı yenidən doğuldu. Hazır ki məqsədimiz Şuşanı yenidən dirçəltmək və Azərbaycanı dünyanın ən gözəl ölkəsinə çevirməkdir".