Aktivlərindən ən yaxşı istifadə edən banklar - SİYAHI

Aktivlərindən ən yaxşı istifadə edən banklar - SİYAHI

Aktivlərindən ən yaxşı istifadə edən banklar - SİYAHI

Azərbaycanda fəaliyyət göstərən 26 bank bu ilin 9 ayını 512,8 milyon manat xalis mənfəətlə başa vurub ki, bu da onların bu il oktyabrın 1-nə malik olduqları 30 milyard 619 milyon manat məbləğində aktivlərin 1,7%-i qədərdir.

Ayrı-banklarda isə sözügedən nisbət fərqlidir. Belə ki, yanvar-sentyabr aylarından mənfəətlə çıxmış 23 bank arasında aktivlərindən ən yaxşı istifadə edəni "Kapital Bank" ASC olub. Bu bankın əldə etdiyi mənfəət aktivlərinin 4,9%-ni təşkil edib. Baxmayaraq ki, "Kapital Bank" aktivlərinin məbləğinə görə ölkədə 2-cidir.

Fəaliyyət effektivliyinə görə, 2-ci yeri isə ölkənin regional bankı – “Naxçıvan Bank” ASC tutub. Bu bank ötən 9 ayda aktivlərinin 2,8%-i qədər mənfəət əldə edib. Bu arada, "Naxçıvan Bank" aktivlərinin məbləğinə görə, 26 bank arasında 21-ci yerdə qərarlaşıb.

3-cü yerə isə “Express Bank" ASC sahib çıxıb. Bu bankın 9 aylıq mənfəəti aktivlərinin 2,4%-i qədər olub. Halbuki, "Express Bank" aktivlərinin məbləğinə görə, banklar arasında 19-cudur. Mənfəətlə işləyən qalan 20 bankdan isə 1-də sözügedən göstərici 2,2%, 7 bankda 1-2% arasında, 12 bankda isə 1-2% arasında dəyişir.

№	Bankın adı	Bankın 9 aylıq mənfəətinin /zərərinin aktivlərinə nisbəti
1	Kapital Bank	4,9%
2	Naxçıvan Bank	2,8%
3	Express Bank	2,4%
4	Bank of Baku	2,2%
5	Azərbaycan Beynəlxalq Bankı	1,7%
6	Unibank	1,5%
7	Bank VTB Azərbaycan	1,4%
8	PAŞA Bank	1,2%
9	Premium Bank	1,1%
10	Xalq Bank	1,1%
11	İran Milli Bankı - Bakı	1,0%
12	Zıraat Bank Azərbaycan	0,7%
13	Azərbaycan Sənaye Bankı	0,5%
14	Bank Respublika	0,5%
15	Yapı Kredi Bank Azərbaycan	0,4%
16	Rabitəbank	0,4%
17	Access Bank	0,3%
18	AFB Bank	0,3%
19	Turan Bank	0,3%
20	Bank Avrasiya	0,1%
21	Bank BTB	0,1%
22	Günay Bank	0,1%
23	Azər-Türk Bank	0,0%
24	Muğan Bank	-0,3%
25	Pakistan Milli Bankı - Bakı	-2,6%
26	Yelo Bank	-5,2%