Şəmkirin Zəyəm Cırdaxan–Tatarlı avtomobil yolunun yenidən qurulması yekunlaşır

Şəmkirin Zəyəm Cırdaxan–Tatarlı avtomobil yolunun yenidən qurulması yekunlaşır

Şəmkirin Zəyəm Cırdaxan–Tatarlı avtomobil yolunun yenidən qurulması yekunlaşır

Şəmkir rayonunun Şəmkir–Zəyəm–Düyərli –Zəyəm Cırdaxan–Tatarlı avtomobil yolunun yenidən qurulması işləri sonuncu mərhələdədir.

Azərbaycan Avtomobil Yolları Dövlət Agentliyinin İctimaiyyətlə əlaqələr şəbəsindən bildirilib ki, Zəyəm Cırdaxan–Tatarlı avtomobil yolu IV texniki dərəcəyə uyğun olaraq yenidən qurulur. Layihəyə əsasən, yolun texniki parametrlərinin bərpası üçün xüsusi qrunt tökülərək yayılıb, torpaq yatağının relyefdən aşağı olan hissəsinin qaldırılması üçün torpaq yatağı karxana çınqılı inşa edilib, yatağın normativ eninin alınması məqsədilə isə qaya tipli süxurlar və dağ yamacları mexanizmlə kəsilib. Bundan başqa, yolboyu yerləşən, suvarma üçün olan köhnə metal borular sökülərək əvəzinə yeni - 468 poqonmetr uzunluğa malik müxtəlif diametrli dairəvi su ötürücü metal və dəmir-beton borular quraşdırılır, həmçinin 10 metr uzunluğunda olan yeni dördbucaqlı su keçidi inşa edilir, yolun 1-ci kilometrində yerləşən bir aşırımlı körpü keçidi əsaslı şəkildə təmir olunur.

Sözügedən işlərə paralel olaraq, yol yatağı hazır olan hissələrdə yol əsasının inşası işləri aparılır. Yol əsası hazır olan hissələrə 2 laydan ibarət yeni asfalt-beton örtüyünün döşənməsi işlərinə başlanılıb. Ümumilikdə, 100 min kvadratmetr sahənin asfalt-betonla örtülməsi nəzərdə tutulub. Sonda 6 avtobus dayanacağı inşa ediləcək, hərəkətin normal təşkili üçün isə yolboyu 112 yol nişanı, 480 siqnal quraşdırılacaq, yolun üfüqi nişanlanma xətləri çəkiləcək.

Ötən il əsaslı şəkildə yenidən qurulan 20 kilometrlik Şəmkir–Zəyəm–Düyərli avtomobil yolunun 18-ci kilometrindən ayrılan yerli əhəmiyyətli Zəyəm Cırdaxan–Tatarlı yolunun tikintisi ilə 22 min əhalinin yaşadığı 4 yaşayış məntəqəsinin nəqliyyat əlaqəsi yaxşılaşacaq, vətəndaşlar rayon mərkəzinə və qonşu rayonlara rahat çıxış əldə edəcək.

06.10.2020 11:12

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az