“Bazar payımız 23 faizdir, bu dolğun məlumat bazası deməkdir” – BANK SƏDRİ

“Bazar payımız 23 faizdir, bu dolğun məlumat bazası deməkdir” – BANK SƏDRİ

“Bazar payımız 23 faizdir, bu dolğun məlumat bazası deməkdir” – BANK SƏDRİ

"“PAŞA Bank"ın əsas məqsədi ölkə iqtisadiyyatının inkişafına töhfə vermək olduğundan, istiqraz buraxılışı hadisəsi bizim üçün əhəmiyyətlidir”

Marja xəbər verir ki, bunu, “AzerGold” QSC-yə aid istiqrazların Bakı Fond Birjasında tədavülə buraxılması münasibətilə keçirilən “Açılış zəngi” mərasiminidə “PAŞA Bank” ASC-nin İdarə heyətinin sədri Taleh Kazımov bildirib.

VTB-də minimal faiz dərəcəsi ilə nağd kredit 9.9%-dən

"PAŞA Bank"ın sədri qeyd edib ki, pandemiya dünya iqtisadiyyatında böhrana səbəb olsa da, qlobal qiymətli metallar bazarlarında fürsətlər yaranıb:

“Pandemiya dünya iqtisadiyyatına mənfi təsir edib. Azərbaycan iqtisadiyyatı da dünya iqtisadiyyatına inteqrasiya olunduğu üçün bu mənfi təsirdən yan keçə bilməzdi. Lakin ölkə rəhbərliyi tərəfindən aparılan uğurlu siyasət nəticəsində tətbiq olunan islahatlar və təşəbbüslər bu təsrin daha yumşaq olmasına səbəb olur. Mən əminəm ki, iqtisadiyyatımız ən az zərbə alan iqtisadiyyatların arasında olacaqdır. Bu mənfi təsir bəzi sahələrdə yüksəkdir, bəzi sahələrdə yeni imkanlar və fürsətlər yaranıb. Qlobal qiymətli metallar bazarlarında yaranan fürsətlərdən və biznes imkanlardan istifadə etmək üçün yerli mədən şirkətimiz “AzerGold” istiqraz buraxılışına qərar qəbul etmişdir.

“PAŞA Bank” ASC Azərbaycanda ən böyük özəl bankdır. Kredit portfeli nöqteyi-nəzərindən real sektorda bizim bazar payımız 23 faizdir. Bu isə, dolğun məlumat bazası və ekspertiza deməkdir. Biz bu imkanlarımızı istifadə edərək müştərilərimizə, indiki halda “AzerGold” şirkətinə səmərəli məsləhət, investorların cəlb edilməsi və istiqrazların yerləşdirilməsi xidmətlərini göstəririk. Bizim üçün belə hadisələr çox əhəmiyyətlidir. Çünki PAŞA Bankın əsas məqsədi ölkə iqtisadiyyatının inkişafına töhfə verməkdir, sahibkarlığın inkişafına dəstək olmaqdır. Əminəm ki, bugünkü hərracın nəticələri uğurlu olacaqdır”.

Qeyd edək ki, “PAŞA Kapital İnvestisiya Şirkəti” QSC-nin anderrayterliyi ilə, ümumi dəyəri 20 milyon ABŞ dolları olan (hər birinin nominal dəyəri 100 ABŞ dolları olan 200 min ədəd istiqraz) və birinci tranş üzrə 10 milyon ABŞ dolları həcmində buraxılan istiqrazların yerləşdirilməsi Bakı Fond Birjasında rəqabətli hərrac üsulu ilə həyata keçiriləcəkdir.

“AzerGold” istiqrazlarının illik faiz dərəcəsi 4% təşkil edir. İstiqrazların tədavül müddəti 3 ildir. İstiqraz sahiblərinə faiz gəliri 3 aydan bir ödəniləcəkdir.