Nizamnamə kapitalından ən yaxşı istifadə edən banklar

Nizamnamə kapitalından ən yaxşı istifadə edən banklar

Nizamnamə kapitalından ən yaxşı istifadə edən banklar

Azərbaycanda fəaliyyət göstərən 26 bank bu ilin 1-ci yarısını 371,7 milyon manat xalis mənfəətlə başa vurub ki, bu da onların bu il iyulun 1-nə malik olduqları 4 milyard 507,8 milyon manat məbləğində nizamnamə kapitalının 8,25%-i qədərdir.

Ayrı-banklarda isə sözügedən nisbət fərqlidir. Belə ki, yanvar-iyun aylarından mənfəətlə çıxmış 21 bank arasında nizamnamə kapitalından ən yaxşı istifadə edəni "Kapital Bank" ASC olub. Bu bankın əldə etdiyi mənfəət kapitalının 75,5%-ni təşkil edib. Baxmayaraq ki, "Kapital Bank" kapitalının məbləğinə görə Azərbaycanda 7-cidir.

Fəaliyyət effektivliyinə görə, 2-cü yeri isə "Bank of Baku" ASC tutub. Bu bank ötən yarım ildə nizamnamə kapitalının 10,2%-i qədər mənfəət əldə edib. Bu arada, "Bank of Baku" kapitalının məbləğinə görə, 28 bank arasında 22-ci yerdə qərarlaşıb.

Mənfəətinin nizamnamə kapitalına nisbətinə görə 3-cü yerə isə 9,5%-lik göstərici ilə "Azərbaycan Beynəlxalq Bankı" ASC sahib olub. Xatırladaq ki, bu bank kapitalının məbləğinə görə, ölkədə 1-cidir.

Mənfəətlə işləyən qalan 18 bankdan 12-də sözügedən göstərici 1-9% arasında, 6 bankda isə 0-1% arasında dəyişir.

№	Bankın adı	Bankın yarım illik mənfəətinin / zərərinin nizamnamə kapitalına nisbəti
1	Kapital Bank	75,5%
2	Bank of Baku	10,2%
3	Azərbaycan Beynəlxalq Bankı	9,5%
4	PAŞA Bank	8,7%
5	Unibank	7,2%
6	Naxçıvan Bank	6,2%
7	Bank Respublika	6,1%
8	Express Bank	5,9%
9	Azərbaycan Sənaye Bankı	5,6%
10	Premium Bank	4,9%
11	Xalq Bank	4,7%
12	AFB Bank	4,6%
13	Zıraat Bank Azərbaycan	3,5%
14	Rabitəbank	1,8%
15	Turan Bank	1,6%
16	Günay Bank	1,0%
17	Yapı Kredi Bank Azərbaycan	0,9%
18	İran Milli Bankı - Bakı	0,6%
19	Access Bank	0,6%
20	Bank VTB Azərbaycan	0,5%
21	Azər-Türk Bank	0,1%
22	Bank BTB	-0,2%
23	Muğan Bank	-1,8%
24	Pakistan Milli Bankı - Bakı	-2,5%
25	Bank Avrasiya	-3,2%
26	Yelo Bank	-3,9%