Kapital Bank dünyanın nüfuzlu maliyyə qurumlarından olan Raiffeisen Bank International AG tərəfindən “STP Quality Award 2019” mükafatı ilə təltif edilib. Bu mükafat beynəlxalq ödənişləri yüksək keyifyyətlə icra edən banklara təqdim olunur.

Məlumatların avtomatlaşdırılmış qaydada emal olunması müasir bank sistemində, xüsusilə köçürmələr və ödənişlər sahəsində mühüm rol oynayır. Beynəlxalq ödənişlərin icrası ilə bağlı prosesin avtomatlaşdırılması əməliyyat xərclərini minimuma endirərək hesablaşma-klirinq prosesini sürətləndirir. Raiffeisen Bank International beynəlxalq köçürmələrin və ödənişlərin icrası prosesinin təkmilləşdirilməsində əməkdaşlıq etdiyi müxbir bankların göstərdiyi səyləri yüksək qiymətləndirir.

“Beynəlxalq ödənişlərin təkmilləşdirilməsi sahəsi Kapital Bank üçün çox böyük əhəmiyyət kəsb edir. Məhz bu sahəyə verdiyi töhfələrə, yüksək STP göstəricisi ilə beynəlxalq köçürmələri keyfiyyətlə icra etdiyimizə görə “STP Quality Award 2019” mükafatına layiq görüldük. Pandemiya şəraitində Bankımızın belə bir nüfuzlu mükafata layiq görülməsi bank ödənişlərinin icrası ilə bağlı göstərilən ximətin yüksək səviyyədə olmasının ən bariz nümunəsidir”, - deyə, Kapital Bankın İdarə Heyətinin sədri Rövşən Allahverdiyev bildirib.

Qeyd edək ki, STP (Straight-Through Processing) – davamlı, tam avtomatlaşdırılmış informasiya emalı prosesidir və ödənişlərin keyfiyyətli icrasının əsas göstəricisi hesab olunur. Müvafiq standartlara riayət edilməsi avtomatlaşdırılmış rejimdə ödənişlərin heç bir müdaxilə olmadan həyata keçirilməsində vacib rol oynayır.

Azərbaycanda ən böyük filial şəbəkəsinə malik olan Kapital Bank, 102 filialı və 18 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.