“Ziraat Bank Azərbaycan” ASC bazarda tam yeni məhsul olan “Birbaşa Borclandırma Sistemi”-ni müştərilərinə təqdim edir. Ziraat Bank “Birbaşa Borclandırma Sistemi” ilə firma və diler arasında olan ödənişlərə təminat verməklə yanaşı ticarətinizi sürətləndirəcək və ödənişlərinizin tam vaxtında icra olunmasını təmin edəcəkdir. Ödənişlərinizin vaxtında və avtomatik ödənilməsi sizi həm vaxt itkisindən azad edəcək, həm də biznes münasibətlərinizi möhkəmləndirəcəkdir.

“Birbaşa Borclandırma Sistemi”, satışı dilerlər vasitəsi ilə həyata keçirən firmalar və onun dilerləri arasında  mal və xidmət satışına görə hesablaşmaların avtomatlaşdırılmasını nəzərdə tutan və özündə bir neçə fərqli bank xidmətlərinin elementlərini birləşdirən hesablaşmalar sistemdir. “Birbaşa Borclandırma Sistemi” aşağıdakı bank məhsul və xidmətlərinin komponentlərini özündə birləşdirir:

1.      Təminat Məktubu

2.      Overdraft

3.      Nağdsız hesablaşmalar (Ödəmə Tələbnamə Tapşırığı)

4.      Faktorinq

“Birbaşa Borclandırma Sistemi” məhsulunda firma və diler ticarət əməliyyatlarını Ziraat Bank təminatı altına almaq üçün banka müraciət edirlər. “Ziraat Bank Azərbaycan” ASC firma və dilerlə razılaşaraq faktura tarixlərində firmaya ödənilməli olan vəsaiti vaxtında və avtomatik olaraq firmanın hesabına ödəyir. Bu halda firma ödənişlərini qarantiya altına almış olur.

“Ziraat Bank Azərbaycan” ASC yeni məhsul və xidmətlər təqdim edərək, həmçinin mövcud məhsul və xidmətlərin inkişafını həyata keçirərək, müştərilərin bank əməliyyatlarını asan və rahat şəkildə icra olunmasını təmin edir.

Əlavə olaraq, qeyd edək ki, “Ziraat Bank Azərbaycan” ASC Türkiyə Ziraat Bankının 156 illik təcrübəsi ilə 2014-cü ildən Azərbaycanda fəaliyyət göstərməkdədir. Korporativ və pərakəndə bankçılıq sahəsində məhsullar və xidmətlər təklif edən “Ziraat Bank Azərbaycan” ASC-nin ölkə ərazisində Bakı, Gəncə və Sumqayıt şəhərlərində yerləşən 4 filialı mövcuddur, həmçinin yaxın müddətdə filialların sayını 2 dəfəyə yaxın artırmağı planlaşdırır. Bank  məhsulları və xidmətləri haqqında ətraflı məlumatı *9229 Məlumat Mərkəzinə zəng edərək, www.ziraatbank.az saytına daxil olaraq və ya bankın sosial şəbəkələrdəki rəsmi səhifələrindən əldə edə bilərsiniz.