Azərbaycanda fəaliyyət göstərən 26 bankdan 10-u bu ilin yanvar-mart aylarında mənfəət vergisi ödəyib ki, bunlardan da 3-də sözügedən göstərici ötən ilin eyni dövrü ilə müqayisədə çox olub.

Bunlar "Ziraat Bank Azərbaycan", "Kapital Bank" və "Xalq Bank"dır.

Qalan 6 bankdan 3-nün - "Azərbaycan Sənaye Bankı", "Yapı Kredi Bank Azərbaycan" və "Bank of Baku"nun isə mənfəət vergisi ödəmələri azalıb, 2 bank - "Azərbaycan Beynəlxalq Bankı" və "Express Bank"  bu ilin I yarısında mənfəət vergisi ödəsə də, ötən ilin eyni dövründə ödəməyib, 2 bank - İran Milli Bankının Bakı filialı və "PAŞA Bank" isə bu ilin yanvar-iyun aylarında mənfəət vergisi ödəsə də, ötən ilin eyni dövründə qənəat edib. Odur ki, bu bankların maliyyə göstəricilərinin dinamikasını hesablamaq mümkün olmayıb.

2 bankın - "Premium Bank" və "Unibank"ın mənfəəti vergisi ödəmələri 100% azalıb.

Bu ilin I yarısında mənfəət vergisi ödəməmiş 14 bank isə həm də ötən ilin eyni dövründə mənfəət vergisi ödəməyib. Odur ki, həmin bankların da vergi ödəmələrinin dinamikasını hesablamaq mümkün olmayıb.

10 bank mənfəət vergisini vaxtından əvvəl ödəyib

Azərbaycanda fəaliyyət göstərən 26 bankdan 10-u mənfəət vergisi ödəmək üçün ilin sonunu gözləməyib.

Bunlar "Kapital Bank", "Azərbaycan Beynəlxalq Bankı", "PAŞA Bank", "Xalq Bank", "Bank of Baku", "Express Bank", "Azərbaycan Sənaye Bankı", "Yapı Kredi Bank Azərbaycan", "Ziraat Bank Azərbaycan" və İran Milli Bankının Bakı filialıdır.

Adları çəkilən banklar bu ilin yanvar-iyun aylarında dövlət büdcəsində ümumilikdə 80,946 milyon manat mənfəət vergisi ödəyiblər. Bu baxından ən yüksək göstərici "Kapital Bank"da (33,158 milyon manat), ən aşağı göstərici isə İran bankında (2 min manat) qeydə alınıb.

Qalan 16 bank isə bu məsələni ilin sonuna saxlayıb. Bunlardan 5-si yarımilliyi zərərlə başa vurmuş "Bank BTB", Pakistan Milli Bankının Bakı filialı, "Bank Avrasiya", "Muğan Bank" və "Yelo Bank"dır ki, onların mənfəət vergisi ödəməməsi təbiidir.

©️ Renkinq