Nizamnamə kapitalından ən yaxşı istifadə edən banklar

Nizamnamə kapitalından ən yaxşı istifadə edən banklar

Nizamnamə kapitalından ən yaxşı istifadə edən banklar

Mayın 12-nə qədər Azərbaycanda fəaliyyət göstərən 28 bank bu ilin I rübünü 167,7 milyon manat xalis mənfəətlə başa vurub ki, bu da onların bu il aprelin 1-nə malik olduqları 4 milyard 625,6 milyon manat məbləğində nizamnamə kapitalının 3,6%-i qədərdir.

VTB-də minimal faiz dərəcəsi ilə nağd kredit 10.49%-dən

Ayrı-banklarda isə sözügedən nisbət fərqlidir. Belə ki, yanvar-mart aylarından mənfəətlə çıxmış 22 bank arasında nizamnamə kapitalından ən yaxşı istifadə edəni "Kapital Bank" ASC olub. Bu bankın əldə etdiyi mənfəət kapitalının 33,2%-ni təşkil edib. Baxmayaraq ki, "Kapital Bank" kapitalının məbləğinə görə Azərbaycanda 7-cidir.

Fəaliyyət effektivliyinə görə, 2-cü yeri isə "Premium Bank" ASC tutub. Bu bank ötən rüb nizamnamə kapitalının 5,8%-i qədər mənfəət əldə edib. Bu arada, "Premium Bank" kapitalının məbləğinə görə, 28 bank arasında 10-cu yerdə qərarlaşıb.

Mənfəətinin nizamnamə kapitalına nisbətinə görə 3-cü yerə isə 5,2%-lik göstərici ilə "Express Bank" ASC sahib olub. Xatırladaq ki, bu bank kapitalının məbləğinə görə, ölkədə 9-cudur.

Mənfəətlə işləyən qalan 19 bankdan 14-də sözügedən göstərici 1-5% arasında, 5 bankda isə 1%-dən azdır.

№	Bankın adı	Bankın rüblük mənfəətinin / zərərinin nizamnamə kapitalına nisbəti
1	Kapital Bank	33,2%
2	Premium Bank	5,8%
3	Express Bank	5,2%
4	Unibank	5,0%
5	Azərbaycan Beynəlxalq Bankı	4,1%
6	Bank Respublika	3,9%
7	Azərbaycan Sənaye Bankı	3,7%
8	Bank of Baku	3,7%
9	AFB Bank	3,6%
10	Naxçıvan Bank	2,8%
11	Xalq Bank	2,5%
12	Günay Bank	1,7%
13	Zıraat Bank Azərbaycan	1,2%
14	Bank BTB	1,1%
15	Rabitəbank	1,1%
16	PAŞA Bank	1,0%
17	Access Bank	1,0%
18	Turan Bank	0,9%
19	Azər-Türk Bank	0,8%
20	Bank VTB Azərbaycan	0,4%
21	İran Milli Bankı - Bakı	0,3%
22	Bank Avrasiya	0,3%
23	NBC Bank	-0,5%
24	AGBank	-1,0%
25	Yapı Kredi Bank Azərbaycan	-1,2%
26	Muğan Bank	-1,3%
27	Pakistan Milli Bankı - Bakı	-1,4%
28	Yelo Bank	-1,8%