Atabank, Amrahbank, NBC Bank və AGBankın ləğvedicisi olan Əmanətlərin Sığortalanması Fondundan narazı qalanlar saysız-hesabsızdır.

Atabankın əmanətçisi Amilə Həsənli Marja-ya müraciətində bildirib ki, AtaBankın bağlanmış filiallarına yatırılmış əmanətlər sığortasız hesab edilir:

“14 iyun 2019-cu il tarixində müvafiq qanunvericilyə uyğun olaraq Atabankın Gənclik filialına 12 aylıq (1 illik) müddətə 12%-lə sığortalı əmanət yerləşdirmişəm. Həmin tarixdə milli valyutada olan qorunan əmanətlər üzrə illik faiz dərəcəsinin yuxarı həddi 15% idi. 16 noyabr 2019-cu il tarxində həmən filial bağlanıb və mənim kimi orda olan yüzlərlə əmanətçinin hesabı Bankın Nərimanov filialına köçürülüb. İndi Əmanətlərin Sığortalanması Fondu mənim və mənim kimi miqrasiya baş vermiş 100-lərlə hesabı bloklayıb, bizə heç bir qanuni sənəd səbəb göstərmədən əmanətimizi sığortasız elan edir. Mənim əlimdəki 1 illik müqavilə şərtlərini göz ardı edərək köçürülmə tarxini əsas götürür. Hansı ki, həmən tarixdə artır qorunan əmanət faizi 10% hesab olunurdu (1 iyul 2019-cu il tarixindən etibarən milli valyutada olan qorunan əmanətlər üzrə illik faiz dərəcəsinin yuxarı həddi 10%, müəyyən edilmişdi) -red).  Bildirirlər ki, əmanətin yerləşdirildiyi tarix hesabınızın Bankın Gənclik filialından Nərimanov filialına köçürüldüyü tarix götürülür və həmin tarixdə 12%-lə yerləşdirilən əmanətlər Fondun 10% olan yuxarı həddindən yüksəl olduğundan sığortasız hesab edilir. Bu tamamilə bahanədir. Yuxarı həddin aşağı salınmasının mənim müqaviləmə aidiyyəti yoxdur.  Filialın bağlanmasının da  əmanətçiyə heç bir dəxli yoxdur, bu bəhanələr, sadəcə ödənişlərimizi gecikdirmək və bizi aylarla banklar və ADİF arasında karantin şərtlərini pozmaqla sürünməyə məcbur etməkdir”.

Amilə Həsənli əlavə etdi ki, may ayında Atabankdan çıxarış alıb və çıxrış müqaviləyə tam uyğundur.

Həmçinin oxu

Bağlanan bankların bir çox əmanətçisi narazıdır – YATIRIMLAR SIĞORTASIZ HESAB EDİLİR