Ələkbərov Medvedevin dövründə 13 milyard dollar qazanıb - Siyahı

Ələkbərov Medvedevin dövründə 13 milyard dollar qazanıb - Siyahı

Ələkbərov Medvedevin dövründə 13 milyard dollar qazanıb - Siyahı

“Forbes” jurnalı Dmitri Medvedevin Baş Nazir olduğu müddətdə daha çox gəlir əldə edən biznesmenlərin siyahısını tərtib edib.

“Forbes Real Time”da bildirilir ki, Medvedev Rusiya hökumətinə 2012-ci ilin mayında rəhbərlik etməyə başlayıb. O zamanlar “Rusiyanın 200 zəngin iş adamı” siyahısında 96 milyarder olub. O, 2020-ci il yanvarın 5-də istefaya gedəndə artıq milyarderlərin sayı 102 nəfərə yüksəlmişdi.

Məlumata görə, 2012-ci ilin yazında Rusiyanın ən zəngin 10 adamının sərvəti ümumilikdə 140,3 milyard dollar, 2020-ci ilin yanvarında isə 199.5 milyard dollar təşkil edib.

Medvedevin vəzifədə keçirdiyi 8 il Rusiya biznesi üçün çətin olub. Misal olaraq antirusiya sanksiyaları kimi inanılmaz çətinlikləri göstərmək olar. Nəticədə, 2012-ci ildə “Forbes” siyahısında olan 31 iş adamı milyarder adını itirib. Lakin onları biri qadın (Tatyana Bakalçuk- 1 milyard dollarla siyahıda 94-cü yerdədir) olmaqla 37 nəfər əvəzləyib. Həm də ölkə üçün yeni fürsətlər açılıb, yalnız Soçi Olimpiadasını və Dünya Kubokunu xatırlamaq kifayət edər.

Dmitri Medvedevin rəhbərliyi dövründə ən çox qazanan “Sibura” və “Novatek” iri auksionerlərinin rəhbəri Leonid Mihelsondur. Belə ki, 2012-ci ildə onun sərvəti 11,9 milyard dollar idisə, bu rəqəm 2020-ci ildə 26,4 milyard dollar təşkil edir.

İkinci yerdə Novateka” və “Sibura”nın direktorlar şurasının üzvü Qennadi Timçenko qərarlaşıb. O, 2012-ci ildə 9,1 milyard dollar sərvətə sahib olub. Hazırda 22,1 milyard dolları var.

Üçüncü yerdə isə azərbaycanlı iş adamı, “Lukoyl” şirkətinin Prezidenti Vahid Ələkbərovdur. 2012-ci ildə 13,5 milyard dollar sərvətə sahib olan biznesmenin hazırda 25,9 milyard sərvəti var.

YATIRIM İNDİ DAHA RAHAT

24.01.2020 13:03

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az