“Amrahbank” faiz gəlirlərini artırıb, xərclərini azaldıb. Nəticədə Bankın əməliyyat zərəri də düşüb.

“Amrahbank” ASC 2019-cu ilin 9 ayı üzrə maliyyə göstəricilərini açıqlayıb.

“Marja” Bankın maliyyə göstəricilərinə istinadən xəbər xəbər verir ki, 2018-ci ilin yanvar-sentyabr dövrü ilə müqayisədə 2019-cu ilin yanvar-sentyabr dövründə “Amrahbank”ın faiz gəlirləri 2 milyon 717 min manat artaraq 8 milyon 693 min manat, qeyri-faiz gəlirləri isə 1 milyon 163 min maant azalaraq təşkil edib.

2018-ci ilin yanvar-sentyabr dövrü ilə müqayisədə 2019-cu ilin yanvar-sentyabr dövründə faiz xərcləri 1 milyon 111 min manat artaraq 9 milyon 466 min manat, qeyri-faiz xərcləri isə 1 milyon 275 min manat azalaraq 9 milyon 906 min manat təşkil edib.

Ötən ilin 9 ayı ilə müqayisədə cari ilin 9 ayında “Amrahbank”ın cəmi gəlirləri 1 milyon 554 milyon manat artıb, cəmi xərcləri isə 164 min manat azalıb.

2019-cu ilin yanvar-sentyabr dövründə “Amrahbank”ın cəmi gəlirləri 13 milyon 268 min manat, cəmi xərcləri 19 milyon 372 milyon manat təşkil edib. Xərclər gəlirləri üstələdiyindən Bankın 6 milyon 104 min manat əməliyyat zərəri yaranıb. Eyni zamanda, mümkün zərərlər üçün yaradılan məqsədli ehtiyatlara 2 milyon 92 min manat ayrıldığından Bankın zərəri 8 milyon 196 min manata yüksəlib.

Müqayisə üçün qeyd edək ki, 2018-ci ilin yanvar-sentyabr dövründə  “Amrahbank”ın cəmi gəlirləri 11 milyon 714 min manat, cəmi xərcləri 19 milyon 536 min manat, əməliyyat zərəri 7 milyon 822 min manat təşkil etmişdi. Bank mümkün zərərlər üçün yaradılan məqsədli ehtiyatlara 2 milyon 460 min manat ayırdığından həmin dövrü 10 milyon 282 min manat zərər ilə bağlamışdı.   

Beləliklə, “Amrahbank”ın cəmi gəlirlərinin artması ilə bərabər cəmi xərclərinin azalması ilə zərəri də 2 milyon 86 min manat azalıb.

30 Sentyabr 2019-cu il tarixində “Amrahbank” 195 milyon 319 min manat aktivlərə malik olub və aktivlərin 115 milyon 456 min manatını müştərilərə verilmiş kreditlər təşkil edib. Ötən ilin sonunda Bankın aktivləri 230 milyon 330 min manat, müştərilərə verilmiş kreditlər 131 milyon 672 min manat təşkil etmişdi.

Sentyabrın sonunda “Amrahbank”da cəmi depozitlər 163 milyon 390 min manat təşkil edib, depozitlərin 153 milyon 293 min manatını və ya 94%-ni fiziki şəxslərin depozitləri təşkil edib.

30 Sentyabr 2019-cu il tarixində "Amrahbank" 7 milyon 137 min manat məcmu kapitala malik olub.