"Bank of Baku" aktivlərindən ən yaxşı istifadə edən bankdır

"Bank of Baku" aktivlərindən ən yaxşı istifadə edən bankdır

"Bank of Baku" aktivlərindən ən yaxşı istifadə edən bankdır

Azərbaycanda fəaliyyət göstərən 30 bank bu ilin I yarısını 433,4 milyon manat xalis mənfəətlə başa vurub ki, bu da onların bu il iyulun 1-nə malik olduqları 29 milyard 980,1 min manat məbləğində aktivlərin 1,45%-i qədərdir.

VTB-də yüksək depozit faizləri daha çox qazandırır

Ayrı-banklarda isə sözügedən nisbət fərqlidir. Belə ki, yanvar-iyun aylarından mənfəətlə çıxmış 24 bank arasında aktivlərindən ən yaxşı istifadə edəni "Bank of Baku" ASC olub. Bu bankın əldə etdiyi mənfəət aktivlərinin 11,1%-ni təşkil edib. Baxmayaraq ki, "Bank of Baku" aktivlərinin məbləğinə görə ölkədə 22-cidir.

Fəaliyyət effektivliyinə görə, 2-ci yeri "Unibank" ASC tutub. Bu bank ötən yarım ildə aktivlərinin 7,8%-i qədər mənfəət əldə edib. Bu arada, "Unibank" aktivlərinin məbləğinə görə, 30 bank arasında 8-ci yerdə qərarlaşıb.

Mənfəətinin aktivlərinə nisbətinə görə 3-cü yerə isə 3,5%-lik göstərici ilə "Azərbaycan Beynəlxalq Bankı" ASC sahib olub. Baxmayaraq ki, bu bank aktivlərinin məbləğinə görə, ölkədə liderdir.

Mənfəətlə işləyən qalan 21 bankda isə sözügedən göstərici 0-3,3% arasında dəyişir.

Hesabat dövründə aktivlərindən ən pis istifadə edən bank isə İran Milli Bankının Bakı filialı olub. Bu maliyyə qurumu aktivlərinin 17,4%-i qədər zərərlə üzləşib.

№	Bankın adı	Bankın yarım illik mənfəətinin /zərərinin aktivlərinə nisbəti
1	Bank of Baku	11,1%
2	Unibank	7,8%
3	Azərbaycan Beynəlxalq Bankı	3,5%
4	Bank VTB Azərbaycan	3,3%
5	Kapital Bank	2,0%
6	Bank Avrasiya	1,3%
7	Premium Bank	1,2%
8	PAŞA Bank	1,2%
9	Bank Respublika	1,1%
10	Naxçıvan Bank	1,0%
11	Zıraat Bank Azərbaycan	0,9%
12	Express Bank	0,9%
13	Yapı Kredi Bank Azərbaycan	0,8%
14	Rabitəbank	0,8%
15	Xalq Bank	0,7%
16	Nikoyl Bank	0,6%
17	Azərbaycan Sənaye Bankı	0,6%
18	AFB Bank	0,4%
19	Günay Bank	0,3%
20	Bank BTB	0,3%
21	Azər-Türk Bank	0,2%
22	NBC Bank	0,1%
23	Turan Bank	0,0%
24	Atabank	0,0%
25	AGBank	-0,2%
26	Muğan Bank	-1,7%
27	Pakistan Milli Bankı - Bakı	-2,4%
28	Amrah Bank	-2,6%
29	Access Bank	-10,7%
30	İran Milli Bankı - Bakı	-17,4%
	Orta hesabla	1,5%