Avtomobil sənayesində radikal dəyişikliklər baş verməkdədir. Bir çox avtombil istehsalçıları və mütəxəsisləri növbəti 10 il ərzində baş verəcək dəyişikliklərin əvvəlki 20 ildəkindən daha həcmli və təsirli və olması barədə konsensua gəlirlər. Xüsusilə 2025-ci ilin yanacaq növü və istehsal zamanı istifadə ediən materialların məzmunundan istehsalçıların bazar qiymətlərinə qədər avtomobil sənayesində hər şey üçün dönüş nöqtəsi olduğu düşünülməkdədir. 

Ekoloji şəraitin dəyişməsi və iqtisadi faktorların təsiri, həmçinin güclü sosial cərəyanların da təsiri nəticəsində hökümətlər kompromissiz qanunlar qəbul etməkdə davam edirlər. Bu isə öz növbəsində avtomobil istehsalçılarını daxili yanma mühərriklərindən tədricən imtina etməyə təşviq edir.

Məsələn, JP Morgan Chase şirkətinin 2018-ci ilin Oktyabr ayında yayımladığı “Driving into 2025: The future of Electric Vehicle” hesabatında EV (Tam elektrik avtomobili)  və HEV (Hibrid elektrik avtomobili) avtomobillərinə olan tələbin daha da yüksələcəyi və 2025-ci ildə qlobal bazarın 30%-ni təşkil edəcəyi bildirilirdi. Müqaisə üçün deyək ki, hələ 2016-cı ildə 1 milyon və ya dünya avtomobil parkının 1%-ni məhz PEV (Plug in elektrik avtomobili, bunlara BEV və PHV də daxildir) avtomobillləri təşkil edirdi. 2025-ci ildə bu göstəricilərin 8.4 milyon və ya dünya avtomobil parkının 7.7% olacağı proqnozlaşdırılır. Həmin tərixə qədər bazarın 70%-ni təşkil edəcək daxili yanma mühərrikli avtomobillərin payı 2030-cu ildə 40%-ə qədər azalacaq.

2017-ci ilin göstəricilərinə əsasən BEVs və PHEV avtomobillərinin həcmi 2% təşkil edirdisə 2025-ci ildə bu rəqəm 2025-ci ildə 9%, cari əsrin ortalarına doğru isə bu rəqəm 1.5 milyon avtomobil deməkdir. Coğrafi bölgüdə Şimali Amerika və Avropa, Asiyada isə Cənubi Koreya və Yaponiya elektrik avtomobilləri sahəsində yüksək fərqlə liderliyi qoruyacaqlar.

Maraqlı məsələ bundan ibarətdir ki, nüfüzlu Bloomberg agentliyi də  “Electric Vehicle Outlook”  hesabatında ” 2040-cı ilə qədər dünya avtoparkının 33%-ni və yeni avtomovillərin satışının isə 54%-ni EV-lərin təşkil edəcəyini deyir. 2030-cu ildən etibarən isə böyümə daha intensiv xarakter daşıyacaq.” deyib. 

Digər bir təşkilat, İnsideEVs tərəfindən mütəmadi yayınlan məlumatlarda digər 2 təşkilatın proqnozlaşdırdığı flaqman bazarlarda gedən dəyişikliklərlə səsləşən və avtomobil istehsalçılarının bu prosesə aqresiv şəkildə qoşulmuş olduğunu görürük. Əlavə olaraq, Hyundai şirkətinin dünyada ilk EV idman avtomobili, İONİQ EV, İONİQ PHEV və İONİQ HEV avtomobilləri ilə yanaşı Sonata PHEV və Sonata EV avtomobillərini istehlakçıılarıa bu il təqdim etməsi, Avropa və Çin ərazisində “yaşıl” texnologiyalara etdiyi investisiyalar, Tesla və Fordun pick up avtomobillərinin istehsalına başlaması şirkətlərin müxtəlif segmentlərdə bu mövzuda yarışlara qoşulduğunu göstərir.

EV avtomobilləri üçün akkumlyatorların istehsalı üzrə dünyada bir neçə oyunçu var və Asiya şirkətləri bazarda ciddi paya sahibdirlər. Belə ki, Panasonic 40%, LG 18, CATL isə 23% qlobal bazar payına sahibdir. Son onillikdə akkumyatorların qiyməti 1000$-dan 210-230$ -a qədər enmişdir. Lakin EV avtomobillərinin daxili yanma mühərriki ilə çalışan avtomobillərlə rəqabət aparamsı üçün bu rəqəmin 100$-dan az olması vacibdir.