ABŞ Prezidenti Donald Tramp, Fransanın ABŞ şirkətlərinə də təsir edəcək böyük texnologiya şirkətlərinə yeni vergi tətbiq edilməsi qərarına, "Makronun axmaqlığına qısa müddət ərzində cavab verəcəyik" şəklində reaksiya göstərib.
 

"Marja" xəbər verir ki, Tramp, "Twitter" vasitəsilə verdiyi açıqlamada, Fransanın böyük texnologiya şirkətlərinə tətbiq etdiyi yeni vergini tənqid edib və Fransa Prezidenti Emmanuel Makronu hədəf alıb.
 

Donald Tramp bu ifadələri işlədib:
 

"Fransa, böyük Amerika texnologiya şirkətlərimizə yeni vergi tətbiq edib. Bu şirkətlərdən vergi almaq lazım olsaydı, öz ölkələri ABŞ alardı. Makronun axmaqlığına qısa müddət ərzində cavab verəcəyik. Hər zaman Amerika şərabının Fransız şərabından daha yaxşı olduğunu demişəm".
 
 

FRANSADAN TEXNOLOGİYA ŞİRKƏTLƏRİNƏ YENİ VERGİLƏR
 

Fransa Milli Məclisi, Google, Apple, Facebook, Amazon kimi internet nəhənglərinin ölkədə əldə etdiyi gəlirdən vergi ödəmələrini nəzərdə tutan qanun layihəsini 11 İyulda qəbul etmişdir.
 

Qanuna görə, internet nəhəngləri Fransada əldə etdiyi gəlirdən 3 faiz vergi ödəyəcəklər.
 

Vergi, dövriyyəsi qlobal miqyasda 750 milyon avro və Fransa daxilində 25 milyon avrodan yüksək olan şirkətlərə tətbiq olunacaq.
 

Google, Amazon, Facebook, Apple, Instagram başda olmaqla 30 civarında şirkətə tətbiq olunacaq verginin Fransaya bu il 400 milyon avro, gələn il isə 650 milyon avro gəlir gətirməsi gözlənilir.

Analitiklərin sözlərinə görə, ABŞ hökuməti yaxın vaxtlarda Parisin Amerika şirkətlərinə qarşı "rəqəmsal vergi" tətbiq etməsi ilə əlaqədar cavab tədbirləri görəcək ki, bu da çox güman ki, Fransanın şərabçılıq sahəsinə aid olacaq.

France just put a digital tax on our great American technology companies. If anybody taxes them, it should be their home Country, the USA. We will announce a substantial reciprocal action on Macron’s foolishness shortly. I’ve always said American wine is better than French wine!

— Donald J. Trump (@realDonaldTrump) July 26, 2019