“Xalq” Bank kredit faizlərini nə qədər endirib?

“Xalq” Bank kredit faizlərini nə qədər endirib?

“Xalq” Bank kredit faizlərini nə qədər endirib?

Xəbər verdiyimiz kimi, ilk dəfə Azərbaycanın bank sektorunda kredit faizlərinin kəskin şəkildə endirilməsi halı baş verib.

VTB-də yüksək depozit faizləri daha çox qazandırır

ASC “Xalq” Bank faizləri milli valyutada biznes kreditləri üzrə 12-19%, əhaliyə verilən istehlak kreditləri üzrə isə 16-20% aralığına endirib.

“Marja” xəbər verir ki, “Xalq” Bank biznes kreditlərinin faizini birdəfəyə 8-9 bənd, istehlak kreditlərinin faizini isə 4-8 bənd aşağı salıb. Belə ki, indiyədək “Xalq” Bankda biznes və istehlak kreditlərinin faizləri 20%-dən başlayırdı və girovdan, müddətdən asılı olaraq 28%-dək qalxırdı.

Dünən “Xalq” Bankının mətbuat xidmətindən aldığımız məlumata görə, “Xalq” Bank bütün kredit məhsullarının faiz dərəcələrini kəskin surətdə azaldıb. Yeni şərtlərə görə, “Xalq” Bank biznes kreditlərini 5 ilədək müddətə illik 12-19%, istehlak kreditlərini isə 4 ilədək müddətə 16-20% verilir.

Bu addım Xalq Bankın kredit məhsullarını bazarda mövcud olan kreditlər arasında ən əlverişli təklifə çevirir.

Bankın nümayəndəsi, kredit faizlərinin endirilməsini dövlətin monetar siyasəti, Mərkəzi Bankın aşağı uçot dərəcəsi, bazarda makro-iqtisadi vəziyyətin sabitliyi, əməkhaqqılarının və əhalinin ödəmə qabiliyyətinin yüksəlməsi, yüksək likvidlik, ümumi sabitlik fonunda biznes risklərinin azalması və digər müsbət amillərlə izah edib.

23.07.2019 06:49

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az