Palata 1-cu yarımillikdə Baş Prokurorluğa yoxlamalarla bağlı 3 material göndərib

Palata 1-cu yarımillikdə Baş Prokurorluğa yoxlamalarla bağlı 3 material göndərib

Palata 1-cu yarımillikdə Baş Prokurorluğa yoxlamalarla bağlı 3 material göndərib

Hesablama Palatası 2019-cu ilin I yarısında aparılmış yoxlamalar nəticəsində dövlət büdcəsinə 6,8 mln. manat, büdcədənkənar fondlara isə 365,1 min manat məbləğində vəsaitin ödənilməsini təmin edib. Bu barədə palatanın məlumatında deyilir.

VTB-də minimal faiz dərəcəsi ilə nağd kredit 10.49%-dən

Xatırladaq ki, 2018-ci ilin I yarısında Hesablama Palatası tərəfindənı aparılmış yoxlamalar nəticəsində dövlət büdcəsinə 4,7 mln. manat məbləğində vəsaitin ödənilməsi təmin edilib.

“2019-cu ilin I yarısında Hesablama Palatasının kollegiyası tərəfindən 5 təhlil və 32 auditin başlanılması ilə bağlı qərar qəbul edilib, nəticələri hesabat dövründə yekunlaşmış 1 audit də daxil olmaqla ümumilikdə 12 auditin və 5 təhlilin nəticələrinə baxılıb”, - deyə məlumatda bildirilir.

Nəticədə 6,8 mln. manat dövlət büdcəsinə, o cümlədən 365,1 min manat büdcədənkənar fondun büdcəsinə bərpa edilib.

6 ayda Hesablama Palatasının həyata keçirdiyi nəzarət tədbirlərinin əhatəsi ümumilikdə 1 mlrd. 13,3 mln. manat təşkil edib. Bu vəsaitin 45,8 faizi dövlət büdcəsinin xərcləri, 16,9 faizi büdcədənkənar dövlət fondlarının vəsaitləri, 37,3 faizi isə digər mənbələrdən ayrılan vəsaitlər üzrə olub.

Hesabat dövründə başa çatdırılmış auditlərin nəticələri təhlil edilib və təsnifləşdirilib. “Həmin nöqsanlar arasında, hər il olduğu kimi, büdcə qanunvericiliyinin və dövlət satınalmalarını tənzimləyən normativ hüquqi aktların tələblərinin pozulması, həmçinin mühasibat uçotu və hesabatlılıqla bağlı nöqsanların payı nisbətən yüksək olub”, - deyə məlumatda qeyd olunur.

Hesabat dövrü ərzində dövlət satınalmalarının keçirilməsi zamanı yol verilən pozuntularla bağlı iki, dövlət əmlakından təyinatı üzrə və qanunauyğun istifadə edilməməsi halı üzrə bir nəzarət tədbirinə dair müvafiq materiallar aidiyyəti üzrə Baş Prokurorluğa göndərilib.

19.07.2019 07:47