Daha bir bank ilk rübü mənfəətlə başa vurub

Daha bir bank ilk rübü mənfəətlə başa vurub

Daha bir bank ilk rübü mənfəətlə başa vurub

“Günay Bank” ASC 2019-cu ilin 1-ci rübünü 391 min manat xalis mənfəət ilə başa vurub.

“Marja” Bankın maliyyə hesabatlarına istinadən xəbər verir ki, 2019-cu ilin yanvar-mart dövründə “Günay Bank”ın cəmi gəlirləri 4 milyon 360 min manat cəmi xərcləri isə 4 milyon 245 min manat təşkil edib. Gəlirlər xərcləri üstələdiyindən Bankın 115 min manat əməliyyat mənfəəti formalaşıb. Əvvəlki dövrlər ehtimal olunan depozit və kredit itkiləri üçün yaradılmış ehtiyatın 276 min manatı azad olduğundan “Günay Bank”ın mənfəəti 391 min manata yüksəlib.

Müqayisə üçün qeyd edək ki, 2018-ci ilin yanvar-mart dövründə “GünayBank”ın cəmi gəlirləri 4 milyon 181 min manat, cəmi xərcləri 2 milyon 344 min manat, əməliyat mənfəəti 1 milyon 837 min manat təşkil etmişdi. Bank əməliyyat mənfəətinin 570.51 min manatı aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmış və həmin rübü 1 milyon 267 min manat xalis mənfəət ilə başa vurmuşdu.

FAİZ GƏLİRLƏRİ ARTIB

Ötən ilin ilk rübündə "GünayBank"ın faiz gəlirləri 1 milyon 986 min manat ikən, 2019-cu ilin ilk rübündə 2 milyon 818 min manat təşkil edib (42% artıb). Qeyri-faiz gəlirləri isə 2 milyon 195 min manatdan 1 milyon 541 min manata geriləyib (30% azalıb).

BANK BÖYÜYÜB

Bank böyüməkdə davam etmiş, nəticədə ötən ilin sonu ilə müqayisədə “GünayBank”ın cəmi aktivlərinın həcmi 12 milyon 530 min manat artaraq 31 Mart 2019-cu il tarixində 203 milyon 731 min manata çatıb. “GünayBank” 31 Dekabr 2018-ci il tarixində 191 milyon 200 min manat cəmi aktivlərə malik idi.

Müştərilər verilən kreditlər isə 146 milyon 110 min manatdan 146 milyon 670 min manata yüksəlib.

31 Mart 2019-cu il tarixində "Günay Bank" 62 milyon 443 min manat məcmu kapitala malik olub.

30.04.2019 08:06

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az