Bu il yanvarın 1-nə olan vəziyyətə görə, Azərbaycanda fəaliyyət göstərən 30 bankdan 21-nün aktivlərində qiymətli kağızlara investisiyalar olub ki, bunlardan da 10-da fond bazarında investisiyaların illik dinamikası mənfi olub.

Həmin banklar Pakistan Milli Bankının Bakı filialı, "Xalq Bank", "Rabitəbank", "Atabank", "Bank Respublika", "Unibank", "Zıraat Bank Azərbaycan", "Access Bank", "Amrah Bank" və "Bank of Baku"dur. Ən çox azalma "Amrah Bank"da və "Bank of Baku"da (100%), ən az azalma isə Pakistan Milli Bankının Bakı filialında (0,9%) qeydə alınıb.

11 bankda isə qiymətli fond bazarına investisiyalar artıb. Bunlar "Azər-Türk Bank", "Nikoyl Bank", "PAŞA Bank", "Bank Avrasiya", "Yapı Kredi Bank Azərbaycan", "Bank BTB", Kapital Bank", "AFB Bank", İran Milli Bankının Bakı filialı, "Turan Bank" və "Azərbaycan Beynəlxalq Bankı"dır. Ən yüksək dinamika "Azər-Türl Bank"da (12,1 dəfə), ən aşağı dinamika isə "Azərbaycan Beynəlxalq Bankı"nda (4,9%) qeydə alınıb.

2 bank - "Bank VTB Azərbaycan" və "Express Bank" qiymətli kağızlara investisiya qoymağa yenicə başlayıb. 7 bank - AGBank", "Azərbaycan Sənaye Bankı", "Günay Bank", "Muğan Bank", "Naxçıvan Bank", "NBC Bank" və "Premium Bank" isə son 1 ildə fond bazarına investisiya qoymayıb. Odur ki, bu bankların investisiyalarının dinamikasını hesablamaq mümkün olmayıb.

 9 bank qiymətli kağızlar bazara maraq göstərmir

Bu il yanvarın 1-nə olan vəziyyətə görə, Azərbaycanda fəaliyyət göstərən 30 bankdan 9-nun aktivlərində qiymətli kağızlara investisiyalar olmayıb.

Bunlar "AGBank", "Azərbaycan Sənaye Bankı", "Bank of Baku", "Günay Bank", "Muğan Bank", "Naxçıvan Bank", "NBC Bank" və "Premium Bank"dır.

Digər 21 bank isə fond bazarına müxtəlif məbləğlərdə investisiyalar qoyub. Onlardan 4-də investisiyaların məbləği 100 milyon manardan çoxdur. Bunlar "PAŞA Bank" (1 440,257 milyon manat), "Azərbaycan Beynəlxalq Bankı" (1 191,571  milyon manat), "Kapital Bank" (325,394 milyon manat) və "Xalq Bank" (163,721 milyon manat). 

Qiymətli kağızlara investisiyaların məbləği 9 bankda 10-100 milyon manat arasında, 8 bankda isə 10 milyon manatdan da azdır.

PULSUZ SEMİNARA QATIL, QAZANMAĞI ÖYRƏN!

© "Renkinq"