Azərbaycanda fəaliyyət göstərən 30 bankdan 14-ü ötən il xüsusi ehtiyatların yaradılmasına vəsait ayırmayıb.  

Bunlar Pakistan və İran Milli Banklarının Bakı filialları, "Bank Avrasiya", "Azər-Türk Bank", "Azərbaycan Sənaye Bankı", "AGBank", "AFB Bank", "PAŞA Bank", "Atabank", "Premium Bank", "Access Bank", "Unibank", "Bank of Baku" və "Azərbaycan Beynəlxalq Bankı"dır (ABB).

Adı çəkilən banklar ehtiyatlara ayırmalar üzrə müxtəlif məbləğlərdə qənaət ediblər. Bu baxından ən yüksək göstərici ABB-də (130,294 milyon manat), ən aşağı göstərici isə Pakistan Milli Bankının Bakı filialında (117 min manat) qeydə alınıb.

Qalan 16 bank isə xüsusi ehtiyatların yaradılmasına vəsait ayırıb. Ən çox ayırma "Bank VTB Azərbaycan"da (218,8 milyon manat), ən az ayırma isə "Naxçıvan Bank"da (110 min manat) qeydə alınıb. 

6 bankın xüsusi ehtiyatların yaradılmasına ayırdığı vəsait artıb

Azərbaycanda  fəaliyyət göstərən 30 bankdan 6-nın ötən il xüsusi ehtiyatların yaradılmasına ayırdığı vəsait ötən ilin eyni dövrü ilə müqayisədə çox olub.

Bunlar "Express Bank", "Nikoyl Bank", "Zıraat Bank Azərbaycan", "Yapı Kredi Bank Azərbaycan", "Kapital Bank və "Günay Bank"dır. Ən yüksək dinamika "Express Bank"da (52,2 dəfə), ən aşağı dinamika isə "Günay Bank"da (71,5%) qeydə alınıb.

7 bankın - "Amrah Bank", "Xalq Bank", "NBC Bank", "Turan Bank", "Bank Respublika", "Muğan Bank" və "Rabitəbank"ın isə xüsusi ehtiyatların yaradılmasına ayırdığı vəsaitin məbləği azalıb. Ən çox azalma "Rabitəbank"da (72,6%), ən az azalma isə "Amrah Bank"da (26,3%) baş verib.

2 bank - Pakistan Milli Bankının Bakı filialı və "Naxçıvan Bank" xüsusi ehtiyatlar üzrə qənaətinin məbləğini müvafiq olaraq 13 dəfə və 3,2 dəfə artırıb, 3 bank - "Azər-Türk Bank", "Azərbaycan Beynəlxalq Bankı" və İran  Milli Bankının Bakı filialı və "Bank BTB" isə xüsusi ehtiyatlar üzrə qənaətinin məbləğini müvafiq olaraq 35,1%, 52% və 90,9% azaldıb.

10 bank - "Access Bank", "AFB Bank", "AGBank", "Atabank", "Azərbaycan Sənaye Bankı", "Bank Avrasiya", "Bank of Baku", "PAŞA Bank", "Premium Bank" və "Unibank" ötən il xüsusi ehtiyatların yaradılmasına vəsait ayırmayıb, əvvəlki il isə ayırıb, 2 bank - "Bank BTB" və "Bank VTB Azərbaycan" isə ötən il xüsusi ehtiyatların yaradılmasına vəsait ayırıb, əvvəlki il isə ayırmayıb. Odur ki, bu bankların maliyyə göstəricilərinin dinamikasına hesablamaq mümkün olmayıb.

PULSUZ SEMİNARA QATIL, QAZANMAĞI ÖYRƏN!

© Renkinq