Azərbaycanda fəaliyyət göstərən 30 bankdan 13-nün ötənilki əməliyyat mənfəəti əvvəlki illə müqayisədə çox olub.

Bunlar "Bank Respublika", "Turan Bank", "Naxçıvan Bank", "Kapital Bank", "Nikoyl Bank", İran Milli Bankının Bakı filialı, "Zıraat Bank Azərbaycan", "Xalq Bank", "AFB Bank", "PAŞA Bank", "Premium Bank", "Yapı Kredi Bank Azərbaycan" və "Rabitəbank"dır. Ən yüksək dinamika "Bank Respublika"da (84,6%) ən aşağı dinamika isə "Rabitəbank"da (1,6%) qeydə alınıb.

1 bankın - Pakistan Milli Bankının Bakı filialının əməliyyat mənfəəti demək olar ki, dəyişməyib.

8 bankın - "Günay Bank", "Unibank", "Bank Avrasiya", "Muğan Bank", "Azərbaycan Beynəlxalq Bankı", "NBC Bank", "Express Bank" və "Azərbaycan Sənaye Bankı"nın əməliyyat mənfəəti isə illik müqayisədə azalıb. Ən çox azalma "Azərbaycan Sənaye Bankı"nda (73,2%), ən az azalma isə "Günay Bank"da (7,1%) qeydə alınıb.

Hesabat dövründə 2 bankın - "Amrah Bank" və "Azər-Türk Bank"ın əməliyyat zərəri müvafiq olaraq 98,8% və 49,7% artıb, 3 bankın - "Bank VTB Azərbaycan", "Access Bank" və "AGBank"ın isə əməliyyat zərəri müvafiq olaraq 5%, 22,7% və 50,9% azalıb.

2 bank - "Atabank" və "Bank of Baku" ötən ili əməliyyat zərəri ilə, əvvəlki ili isə əməliyyat mənfəəti ilə, 1 bank - "Bank BTB" isə ötən ili əməliyyat mənfəəti ilə, əvvəlki ili isə əməliyyat zərəri ilə başa vurub. Odur ki, bu bankların maliyyə göstəriclərinin dinamikasını hesablamaq mümkün olmayıb.

2018-ci ildə Azərbaycanda fəaliyyət göstərən 30 bankdan 8-i əməliyyat mənfəəti əldə etməyib. Bunlar Pakistan Milli Bankının Bakı filialı, "Azər-Türk Bank", "AGBank", "Atabank", "Amrah Bank", "Bank of Baku" "Bank VTB Azərbaycan" və "Access Bank"dır. Əməliyyat zərərinin ən yüksək həddi "Access Bank"da (32,994 milyon manat), ən aşağı həddi isə Pakistan Milli Bankının Bakı filialında (114 min manat) qeydə alınıb. 

Qalan 22 bank isə ötən ildən əməliyyat mənfəəti ilə çıxıb. Bu baxımdan ən yüksək göstərici "Azərbaycan Beynəlxalq Bankı"ında (295,547 milyon manat), ən aşağı göstərici isə "Turan Bank"da (732 min manat) olub.

PULSUZ SEMİNARA QATIL, QAZANMAĞI ÖYRƏN!

© "Renkinq"