Bankların cəmi aktivləri nəyin hesabına artıb?

Bankların cəmi aktivləri nəyin hesabına artıb?

Bu gün Maliyyə Bazarlarına Nəzarət Palatsının açıqladığı aylıq hesabata görə, Azərbaycanda fəaliyyət göstərən bankların cəmi aktivləri ötən ilin 10 ayı ilə müqayisədə 12,8% (3 milyard 379 milyon manat) artaraq 31 oktyabr 2018-ci il tarixində 29 milyard 690.2 milyon manata çatıb. 31 Oktyabr 2017-ci il tarixində bankların cəmi aktivləri 26 milyard 311.6 milyon manat təşkil etmişdi.

Bəs artım nə ilə bağlıdır?

“Marja”nın məlumatına görə, rəqəmlərə nəzər saldıqda məlum olur ki, cari ilin 10 ayı ərzində ötən ilin 10 ayı ilə müqayisədə müştərilərə verilmiş kreditlər cüzi - 181,7 milyon manat və ya 1,5% artıb. Belə ki 31 oktyabr 2017-ci il tarixində 11 milyard 707.5 milyon manat təşkil etmiş kreditlər 31 Oktyabr 2018-ci ildə 11 milyard 889.2 milyon manata yüksəlib.

Aktivlərin artmasına ən böyük töhfəni bankların qiymətli kağızlara investisiyaları və depozitlərin artması verib.

Belə ki, bankların qiymətli kağızlara investisiyaları 2,3 dəfə və ya 2 milyard 11 milyon manat artaraq 3 milyard 579 milyon manata yüksəlib.

Bankların depozitləri (Banklar da daxil olmaqla, maliyyə institutlarındakı depozitlər) 827 milyon manat və ya 13,8% artaraq 6 milyard 796 milyon manata çatıb. Hər iki maddə üzrə artım 2 milyard 838 milyon manat təşkil edib.

Cədvəl 1. Bank sektorunun icmal balansı (mln. manatla)

Aktivlər	31.10.2017	31.10.2018
1. Nağd vəsaitlər	1,229.0	1,120.0
2. Mərkəzi Bankda müxbir hesablar*	2,597.3	2,455.6
3. Nostro hesablar (başqa banklardakı müxbir hesablar)	2,290.6	2,466.8
4. Banklar da daxil olmaqla, maliyyə institutlarındakı depozitlər	5,969.3	6,796.1
5. Qiymətli kağızlar	1,567.8	3,578.9
6. Banklar da daxil olmaqla, maliyyə institutlarına kreditlər	292.0	233.2
6.1 xalis kreditlər	205.6	217.4
7. Müştərilərə verilən kreditlər	11,707.5	11,889.2
7.1 Kreditlər üzrə mümkün zərərlərin ödənilməsi üçün məqsədli ehtiyat	1,651.0	1,536.5
7.2 Xalis kreditlər	10,056.5	10,352.7
8. Əsas vəsaitlər	807.0	925.4
9. Qeyri-maddi aktivlər	131.4	132.1
10. Digər aktivlər (məqsədli ehtiyatlar çıxılmaqla)	1,457.1	1,645.2
11. Cəmi aktivlər	26,311.6	29,690.2

17.12.2018 11:22

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az