"VTB Azərbaycan" "VTB Faktorinq"i köməyə çağırır

"VTB Azərbaycan" "VTB Faktorinq"i köməyə çağırır

"VTB Azərbaycan" "VTB Faktorinq"i köməyə çağırır

“Bu yaxınlarda Bank VTB (Azərbaycan) beynəlxalq faktorinq xidmətini işə salacaq ki, bu da xarici bazarlara məhsul ixrac edən yerli sahibkarların imkanlarını genişləndirəcək. Bu xidməti Azərbaycan üçün unikal saymaq olar".

“Marja” xəbər verir ki, bunu Bank VTB (Azərbaycan) ASC-nin Korporativ biznesin inkişafı departamentinin direktoru Yasin Cəlilov bildirib.

O qeyd edib ki, xidmətin yaradılmasında VTB Qrupa daxil olan "VTB Faktorinq" şirkəti də iştirak edir: “Bu xidmət çərçivəsində biz debitor borcun maliyyələşdirilməsini öz üzərimizə götürürük, zamin qismində isə "VTB Faktorinq" çıxış edir, üstəlik, şirkətin biznes-analizini də məhz o aparır.

Bu məhsulun tanıdılması üçün biz AZPROMO, Azərbaycan İxracatçılar Klub kimi təşkilatlarla, habelə mövcud müştərilərimizlə işləyirik. Bundan başqa, biz istehsal və nəticədə Rusiya Federasiyasına ixrac etdiyi məhsulun həcmini artırmaq istəyən şirkətlərə Bank VTB (Azərbaycan)-a müraciət etməyə və faktorinq çərçivəsində zəruri maliyyələşmənin əldə olunmasını təklif edirik».

Yasin Cəlilov əlavə edib ki, kiçik və orta biznes üçün biz "Kassa-hesablaşma xidməti paketi" məhsulu da hazırlanır: «Paketə daxil olan xidmət və əməliyyatlar müəyyən həcmdə və müəyyən olunmuş tariflər üzrə təklif olunacaq. Məhsul elə formalaşıb ki, müştəri keyfiyyətli bank xidməti ilə təmin olunur, eyni zamanda kassa-hesablaşma xidmətlərinə çəkilən xərcləri optimallaşdırır.

Bundan başqa, biz kiçik və orta biznes üçün overdraft xidmətini təklif edirik. Həmçinin, bank xidmətlərin rəqəmsallaşdırılmasına da böyük diqqət ayırmaq niyyətindədir: mobil tətbiqimiz təkmilləşdiriləcək, internet bankçılıq xidmətimiz yeni funksiyalar əlavə edildikdən sonra daha rahat və cəlbedici olacaq”.

13.12.2018 07:19

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az